Staðgengilsstörf eru í flestum kjarasamningum  tvenns konar:

• Launað staðgengilsstarf: Aðalstarf starfsmanns er launað sem staðgengilsstarf yfirmanns. Þá ber að greiða starfsmanni laun samkvæmt flokki yfirmanns gegni hann starfi hans lengur en 4 vikur samfellt eða hafi hann gegnt starfi yfirmanns lengur en 6 vikur á hverjum 12 mánuðum. Laun samkvæmt flokki yfirmanns greiðast einungis frá lokum nefndra 4 eða 6 vikna. Tilgreina þarf í starfslýsingu starfsfólks að um sé að ræða launað staðgengilsstarf og taka fram hvernig starfið skuli launað.  

• Aðrir staðgenglar: Starfsmaður sem er ekki í stöðu staðgengils yfirmanns en er falið að gegna störfum yfirmanns í forföllum hans eða störfum annars hærra launaðs starfsmanns. Í þessum tilvikum þarf starfsmaður að gegna staðgengilsstarfinu að fullu á afleysingatíma það er að segja öllum starfsskyldum sem starfinu fylgja. Skal hann taka laun samkvæmt launaflokki hins forfallaða starfsmanns þann tíma, er hann gegnir starfi hans.