Tilgangurinn með vaktahvata er að umbuna sérstaklega því starfsfólki sem mætir oft á vaktir og vinnur fjölbreyttar vaktir utan dagvinnutíma.

Hjá þeim stéttarfélögum er hafa samið um betri vinnutíma fyrir vaktavinnuvinnufólk greiðist vaktahvati sem hlutfall greiddra mánaðarlauna vegna fjölbreytileika og fjölda vakta á þremur síðustu uppgjörstímabilum samkvæmt skipulögðum vöktum innan vinnutímaskyldu.

Við upphaf starfs reiknast vaktahvati fyrir eitt uppgjörstímabil á fyrsta og öðrum mánuði í starfi þannig að lágmarksfjöldi stunda utan dagvinnumarka eru 42 og lágmarksfjöldi vinnuskyldustunda í hverri tegund vakta eru 15. Það sama á við þegar samið er um breytingar á starfshlutfalli sem nema 40% eða meira til hækkunar eða lækkunar.

Skilyrði fyrir vaktahvata eru eftirfarandi:

• Lágmarksfjöldi vinnuskyldustunda utan dagvinnumarka (á 33,33%, 55%, 65% og 75% álagi) þarf að að vera 126 vinnuskyldustundir

• Uppfylla þarf a.m.k. tvær tegundir vakta. Vaktir eru flokkaðar í fjórar tegundir:

  • dagvaktir

  • kvöldvaktir (33,33% álag)

  • næturvaktir á virkum dögum (65% álag)

  • helgarvaktir (55% og 75% álag).

• Lágmarksfjöldi vinnuskyldustunda í hverri tegund vakta skal vera 45 vinnuskyldustundir.

• Starfsmaður þarf að mæta a.m.k. 14 sinnum eða oftar að meðaltali á uppgjörstímabili til starfa

Hjá stéttarfélögum sem ekki hafa samið um betri vinnutíma eru skilyrði fyrir vaktahvata eftirfarandi á hverju launatímabili:

• Lágmarksfjöldi vinnuskyldustunda utan dagvinnumarka (á 33,33%, 55%, 65% og 75% álagi) þarf að vera 42 vinnuskyldustundir.

• Uppfylla þarf a.m.k. tvær tegundir vakta. Vaktir eru flokkaðar í fjórar tegundir:

  • dagvaktir

  • kvöldvaktir (33,33% álag)

  • næturvaktir á virkum dögum (65% álag)

  • helgarvaktir (55% og 75% álag).

• Lágmarksfjöldi vinnuskyldustunda í hverri tegund vakta skal vera 15 vinnuskyldustundir.

• Starfsmaður þarf að mæta a.m.k. 14 sinnum eða oftar til starfa.