Heilsu- eða líkamsræktarstyrkur er styrkur frá launagreiðanda til að styrkja starfsfólk í heilsurækt og íþróttaiðkun. Heilsu- eða líkamsræktarstyrk skal ekki telja til tekna starfsmanns ef hann er undir viðmiði skattstjóra. 

Styrkur að fjárhæð 77.000 kr. á ári er skattfrjáls árið 2024 (var 71.500 kr. árið 2023).

Starfsfólk þarf að leggja fram fullgilda og óvéfengjanlega reikninga fyrir greiðslu kostnaðar. 

Með heilsurækt og íþróttaiðkun er átt við hvers konar kostnað við iðkun svo sem greiðslu að líkamsræktarstöðvum, sundlaugum, golfvöllum og skíðasvæðum. Æfingagjöld og félagsgjöld í íþróttafélögum, golfklúbbum, hestamannafélögum, ferðafélögum og hvers konar skipulagðri hreyfingu og íþróttaiðkun (m.a. dans, jóga og skipulagðar gönguferðir). 

Flest stéttarfélög veita starfsfólki einnig heilsu- og líkamsræktarstyrki og er upplýsingar um styrki félaganna að finna  á vefsíðum stéttarfélaganna. Athygli er vakin á að ekki er heimilt að fá reikning vegna heilsuræktar tvígreiddan. 

Kostnaður vegna kaupa á búnaði telst ekki skattlaus heilsu- eða líkamsræktarstyrkur.