Þú þarft að uppfylla eftirfarandi skilyrði:

• Vera með gilt dvalarleyfi.

• Hafa búið á Íslandi í 4 ár - með undantekningum.

  • Maki íslensks ríkisborgara getur sótt um ótímabundið dvalarleyfi eftir þriggja ára dvöl á dvalarleyfi hér á landi á grundvelli hjúskapar/sambúðar.

  • Barn íslensks ríkisborgara getur sótt um ótímabundið dvalarleyfi eftir að hafa haft dvalarleyfi hér samfellt í 2 ár fyrir framlagningu umsóknar. Foreldrið þarf að hafa verið íslenskur ríkisborgari í 5 ár.

  • Erlendur ríkisborgari sem hefur lokið doktorsnámi á Íslandi og hefur haft dvalarleyfi á grundvelli sérfræðiþekkingar í minnst 3 ár fyrir framlagningu umsóknar.

  • Erlendur ríkisborgari sem hefur haft dvalarleyfi sem getur verið grundvöllur ótímabundins dvalarleyfis í að minnsta kosti 2 ár og hefur áður dvalið hér á landi í samfelldri dvöl samkvæmt dvalarleyfi vegna náms, þannig að heildardvöl sé að minnsta kosti 4 ár.

• Hafa verið í samfelldri dvöl á Íslandi.

• Hafa sótt íslenskunámskeið.

• Hafa trygga framfærslu.

• Ekki eiga ólokið mál í refsivörslukerfinu.

Nánari upplýsingar um skilyrðin er að finna á síðunni Ótímabundið dvalarleyfi.