Þú þarft annað hvort að hafa lokið 150 tíma íslenskunámi með að lágmarki 85% tímasókn eða taka stöðupróf í íslensku hjá aðilum viðurkenndum af Menntamálastofnun.

Heimilt er að víkja frá þessum skilyrðum af eftirtöldum ástæðum:

• Umsækjandi er eldri en 65 ára og hefur búið hér á landi í að minnsta kosti sjö ár.

• Umsækjandi getur ekki af líkamlegum eða andlegum ástæðum tekið þátt í íslenskunámskeiði og það er staðfest af þar til bærum sérfræðingi.

• Umsækjandi getur lagt fram gögn sem staðfesta að hann hafi lokið námi á grunnskóla-, framhaldsskóla- eða háskólastigi á íslensku sem gefur tilefni til að ætla að viðkomandi hafi öðlast fullnægjandi færni í íslensku.