Filippseysk stjórnvöld gera sérstaka kröfu á filippseyska borgara sem hyggjast flytja úr landi og verða þeir að sækja um svokallað "exit permit" frá þarlendum stjórnvöldum.

Það athugist að þetta eru ekki reglur eða kvaðir sem Útlendingastofnun setur heldur skilyrði frá filippseyskum stjórnvöldum og Útlendingastofnun hefur því ekki frekari upplýsingar eða milligöngu um þetta ferli.

Vitað er að frumrit vistráðningarsamning þarf að vera vottað og því er frumrit samnings sett í afgreiðslu við veitingu dvalarleyfi til afhendingar ef viðkomandi er búsettur á höfuðborgarsvæðinu.

Vistfjölskylda þarf að fara með vistráðningarsamninginn til sýslumanns og fá staðfestan – ef þau eru hjón þá þurfa bæði að mæta og hafa vegabréf meðferðis ásamt ljósriti af vegabréfi væntanlegs au pair.

Því næst þarf að fara með samninginn í utanríkisráðuneytið – Rauðarárstíg 25 (almenn afgreiðsla opin frá 08:30-16:00).

Loks þarf að senda samninginn til sendiráðs Filippseyja í Osló til frekari vottunar.