Umsækjandi um fyrsta dvalarleyfi þarf að gera ráð fyrir að afgreiðslutími geti verið nokkrir mánuðir. Stærstur hluti umsókna um fyrsta dvalarleyfi er afgreiddur innan sex mánaða.

Á heimasíðu Útlendingastofnunar getur þú fylgst með því hvaða umsóknir er verið að taka til vinnslu. Þegar umsókn hefur verið tekin til vinnslu þýðir það að hún sé komin til sérfræðings, sem kannar hvort umsækjandi uppfylli skilyrði dvalarleyfis. 

Ef umsókn er vel útfyllt og engin fylgigögn vantar, tekur afgreiðsla sérfræðings ekki langan tíma.