Til að geta fengið dvalarleyfi á grundvelli náms þarft þú að vera 18 ára eða eldri (skiptinemar mega vera yngri) og fá inngöngu í nám sem er viðurkennt sem grundvöllur námsmannaleyfis:

• Fullt nám við háskóla hér á landi.

• Doktorsnám við erlendan háskóla sem er í samstarfi við íslenskan háskóla.

• Skiptinám á vegum viðurkenndra skiptinemasamtaka.

• Starfsnám í þeim tilvikum þar sem starf á Íslandi er hluti náms þíns.

• Iðnnám vegna viðurkennds starfsnáms á framhaldsskólastigi.

Þú þarft einnig að:

• Geta sýnt á þér deili með gildu vegabréfi.

• Geta sýnt fram á trygga framfærslu.

• Leggja fram sjúkratryggingu og sakavottorð.