Það fer eftir tengslum barnsins við Ísland hvernig það öðlast íslenskan ríkisborgararétt. Í fæstum tilfellum þarf að senda inn almenna umsókn um ríkisborgararétt heldur dugir yfirleitt að senda tilkynningu til Útlendingastofnunar.

• Ungmenni á aldrinum 18-20 ára sem búið hafa samfellt á Íslandi frá 13 ára aldri dugir að senda tilkynningu til Útlendingastofnunar.

• Börn eða ungmennni án ríkisfangs eða með vernd sem hafa haft fasta búsetu og dvalist hér á landi samfellt í að minnsta kosti þrjú ár dugir að lögð sé fram tilkynning af hálfu forsjáraðila.

• Um börn íslenskra ríkisborgara gilda aðrar reglur sem ráðast þá af stöðu foreldris eða foreldra barnsins hér á landi sem og hvenær og hvar barnið fæddist.

• Íslenskir ríkisborgarar sem fæddir eru erlendis og hafa aldrei átt lögheimili á Íslandi né búið eða dvalið hér á landi geta misst ríkisfangið við 22 ára aldur og þurfa því að óska sérstaklega eftir því að halda íslenska ríkisfanginu.

Tilkynningar og beiðnir eru einfaldari í afgreiðslu en almennar umsóknir og því mælum við með því að þú kannir fyrst hvort það eigi við um þig.