Almennt má vera 3 mánuði í burtu án þess að hafa áhrif á umsókn um íslenskan ríkisborgararétt. Hins vegar fyrir lengri tíma þarf að skoða undanþágur frá samfelldri dvöl.

• Búseta telst samfelld ef þú dvelur ekki lengur en 90 daga samtals erlendis á hverju 12 mánaða tímabili.

• Ef samfelld dvöl erlendis er lengri en 90 dagar á 12 mánaða tímabili þá dregst hún öll frá búsetutímanum sem þú þarft að uppfylla til að mega sækja um.

• Athugið að umsækjandi verður að fullnægja skilyrði um sjö ára dvöl áður en sótt er um íslenskan ríkisborgararétt, þrátt fyrir að fá undanþágu frá skilyrðinu um samfellda búsetu.

Í stað þess að dvöl erlendis sé dregin frá dvalartímanum á Íslandi er hann stöðvaður ef undanþágan er samþykkt. Þá þarf enn að hafa dvalið á Íslandi í sjö ár í heildina.