Samkvæmt lögum um íslenskan ríkisborgararétt þarftu að hafa fasta búsetu á Íslandi þegar umsókn um ríkisborgararétt er lögð fram og þegar ákvörðun er tekin. Með fastri búsetu er átt við þann stað þar sem einstaklingur hefur bækistöð sína, dvelst að jafnaði í tómstundum sínum, hefur heimilismuni sína og er svefnstaður hans þegar hann er ekki fjarverandi um stundarsakir. Lögheimili þitt á Íslandi þarf að vera skráð hjá Þjóðskrá Íslands.