Það er betra að skila inn fleiri vottorðum en færri. Það fer samt eftir því hvort verið sé að skoða staðfestingu á dvöl eða íslenskukunnáttu.

Ef verið er að skoða staðfestingu á dvöl þinni hérlendis, þá þarf að koma fram á vottorðinu á hvaða tímabili þú varst í skólanum.

Ef verið er að leita staðfestingar á íslenskukunnáttu, þá þarf að koma fram á vottorðinu að þú hafir, til dæmis, verið nemandi í íslenskum grunnskóla eða hafir staðist önnur viðmið eða skilyrði fyrir undanþágu frá íslenskuprófi.