Sérstakt umsóknareyðublað er notað fyrir beiðni um þingmeðferð umsókna um ríkisborgararétt til Alþingis.

Á umsóknareyðublaðinu þarf umsækjandi að gefa almennar upplýsingar um sig og fjölskylduhagi sína og veita hnitmiðaðan rökstuðning fyrir beiðni til Alþingis um undanþágu frá ríkisborgaralögum. Auk rökstuðningsins er umsækjanda frjálst að leggja fram ítarlegri greinargerð um ástæður undanþágubeiðninnar.

Umsóknina er aðeins hægt að leggja fram á pappírsformi og má skila í þar til gerðan póstkassa í anddyri Útlendingastofnunar að Dalvegi 18 í Kópavogi eða með því að senda umsókn í bréfpósti á sama heimilisfang.

Afgreiðslugjald fyrir umsókn um ríkisborgararétt er 27.000 krónur. Umsókn er ekki tekin til vinnslu fyrr en greiðsla hefur borist.