Leyfi fyrir starfsemi á friðlýstum svæðum öðrum en Vatnajökulsþjóðgarði

Fyrir hverja er umsóknin?

Þú þarft að sækja um leyfi ef þú hyggst stunda atvinnustarfsemi á friðlýstu svæði.

Skilyrði og afgreiðsla

• Óheimilt er að hefja starfsemi eða undirbúning á svæðinu áður en leyfi hefur verið veitt.

• Umsókn er eingöngu send inn með eigin innskráningu (ekki í umboði).

• Ef sótt er um leyfi fyrir mörg svæði, skal skila inn einni sameiginlegri umsókn og tilgreina öll svæðin og nákvæma staðsetningu innan þeirra.

Afgreiðslutími

• Afgreiðslutími er allt að 15 virkir dagar frá því öll gögn liggja fyrir.

• Ef starfsemi fer fram innan verndarsvæðis Mývatns og Laxár getur afgreiðslutími verið allt að 30 dagar.

Gjaldtaka

• Greitt er samkvæmt gildandi gjaldskrá.

• Ef vinnsla fer yfir grunngjald er innheimt tímagjald fyrir umframvinnu sérfræðings.

• Ef umsókn berst innan 5 virkra daga fyrir verkefni getur bæst við gjald sem nemur 2 klst. vinnu sérfræðings.

Þetta þarftu að hafa tilbúið

• Kennitölu rekstraraðila.

• Upplýsingar um tengilið (kennitala, netfang, sími).

• Kennitölu greiðanda gjalds.

• Lýsingu á starfsemi og staðsetningu.

• Kort og myndir með merktum athafnasvæðum.

• Tímasetningar og fjölda starfsmanna/gesta.

• Upplýsingar um tæki, mannvirki og mögulegt rask.

• Leyfi frá sveitarfélagi, landeiganda og heilbrigðiseftirliti (ef við á).