Leyfi til myndatöku á friðlýstum svæðum

Fyrir hverja er umsóknin?

Þú þarft að sækja um leyfi ef verkefnið þitt felur í sér:

• Kvikmyndatöku innan friðlýstra svæða, þ.m.t. þjóðgarða, (Þingvallaþjóðgarður gefur út sér leyfi)

• Ljósmyndatöku innan friðlýstra svæða, þ.m.t. þjóðgarða, (Þingvallaþjóðgarður gefur út sér leyfi)

Hvað þarftu að vita?

• Umsókn er send inn með eigin innskráningu (ekki í umboði).

• Óheimilt er að hefja verkefni eða undirbúning þess áður en leyfi hefur verið veitt.

• Afgreiðslutími er allt að 15 virkir dagar frá því öll gögn liggja fyrir. Innan verndarsvæðis Mývatns og Laxaár er afgreiðslutími allt að 30 dagar.

Gjaldtaka

• Greitt er samkvæmt gildandi gjaldskrá.

• Ef vinnsla fer yfir grunngjald er innheimt tímagjald fyrir umframvinnu.

• Umsóknir sem berast innan 5 virkra daga fyrir verkefni geta haft í för með sér aukagjald sem nemur 2 klst. vinnu sérfræðings.

Þetta þarftu að hafa tilbúið

• Tegund verkefnis (kvikmyndataka eða ljósmyndataka).

• Dagsetningu verkefnis.

• Ítarlega lýsingu á verkefni.

• Upplýsingar um tækjabúnað, dróna, leikmyndir og efni.

• Upplýsingar um það hvernig búnaður er fluttur á svæðið, ef við á.

• Kort/loftmynd sem sýnir nákvæma staðsetningu verkefnis.

Athugið

• Náttúruverndarstofnun veitir ekki leyfi til að loka aðgengi að svæðum vegna verkefna – slíkt þarf að sækja til landeiganda, lögreglu og/eða Vegagerðar eftir því sem við á.

• Leyfi sveitarfélaga og landeigenda gæti þurft, fer eftir staðsetningu.