Leyfi til aksturs utan vega

Allur akstur utan vega er bannaður samkvæmt náttúruverndarlögum.

Fyrir hverja er umsóknin?

Þú getur sótt um undanþágu ef verkefnið þitt felur í sér:

• Kvikmyndagerð og ekki er hægt að vinna verkefnið með öðrum hætti

• Viðhald skála eða neyðarskýla og ekki er hægt að vinna verkefnið með öðrum hætti

Skilyrði og afgreiðsla

• Óheimilt er að hefja verkefni eða undirbúning þess áður en leyfi hefur verið veitt.

• Umsókn er eingöngu send inn með eigin innskráningu (ekki í umboði).

• Afgreiðslutími er allt að 15 virkir dagar frá því öll gögn liggja fyrir.

Gjaldtaka

• Greitt er samkvæmt gildandi gjaldskrá.

• Ef vinnsla fer yfir grunngjald er innheimt tímagjald fyrir umframvinnu.

• Ef umsókn berst innan 5 virkra daga fyrir verkefni getur bæst við gjald sem nemur 2 klst. vinnu sérfræðings.

Þetta þarftu að hafa tilbúið

• Kort og loftmyndir með hnitum og merktum athafnasvæðum.

• Dagsetningar og tímasetningar verkefnis.

• Rökstuðning fyrir því hvers vegna ekki er hægt að vinna verkefnið með öðrum hætti.

• Ítarlega lýsingu á verkefni, tækjabúnaði og mótvægisaðgerðum.

Athugið

• Leyfi landeigenda og/eða sveitarfélaga gæti þurft – fer eftir staðsetningu.

• Ekki er heimilt að hefja verkefnið nema leyfi liggi fyrir.