Rannsóknaleyfi á friðlýstum svæðum

Fyrir hverja er umsóknin?

Þú þarft að sækja um leyfi ef þú hyggst framkvæma vísindarannsóknir innan friðlýsts svæðis.

Skilyrði og afgreiðsla

• Umsókn er send inn með eigin innskráningu (ekki í umboði).

• Ef rannsóknin nær til fleiri en eins svæðis, skal skila einni sameiginlegri umsókn með nákvæmri staðsetningu innan hvers svæðis.

• Óheimilt er að hefja rannsóknir eða undirbúning þeirra á svæðinu nema leyfi liggi fyrir.

• Afgreiðslutími er allt að 15 dagar frá því öll gögn liggja fyrir.

Gjaldtaka

• Greitt er samkvæmt gildandi gjaldskrá.

• Ef vinnsla fer yfir grunngjald er innheimt tímagjald fyrir umframvinnu.

• Umsóknir sem berast innan 5 virkra daga fyrir rannsókn geta haft í för með sér aukagjald sem nemur 2 klst. vinnu sérfræðings.

Þetta þarftu að hafa tilbúið

• Rannsóknaráætlun og lýsingu á verkefni.

• Kort með staðsetningu athafnasvæðis.

• Dagsetningu rannsóknar og áætlaða tímalengd.

• Upplýsingar um sýnatökur, tæki og efni.

• Leyfi frá öðrum aðilum (sveitarfélögum, landeigendum o.fl.) gæti þurft, fer eftir staðsetningu.