Hér getur þú sótt um réttindi til að starfa sem leiðsögumaður með hreindýraveiðum samkvæmt 14. gr. laga nr. 64/1994 um vernd, friðun og veiðar á villtum fuglum og villtum spendýrum.
Leiðsögumaður með hreindýraveiðum þarf að uppfylla lögbundin hæfnisskilyrði sem lúta meðal annars að vopnaleyfi, veiðireynslu, skotfimi, fræðslu og öryggi.
Leyfið er veitt til allt að fjögurra ára í senn og miðaðst við ákveðin veiðisvæði.
Hverjir geta sótt um
Til að umsókn verði tekin til greina þarf umsækjandi að uppfylla eftirfarandi skilyrði:
Hafa gilt skotvopnaleyfi (B-flokk).
Hafa gilt veiðikort.
Hafa staðist verklegt skotpróf á síðustu 12 mánuðum.
Hafa þekkingu og reynslu af veiðum, fláningu og meðferð afurða hreindýra.
Hafa lokið námskeiði Náttúruverndarstofnunar og staðist próf með fullnægjandi árangri.
Hafa tvisvar á sama veiðitímabili leiðsagt með hreindýraveiðum undir handleiðslu starfandi
leiðsögumanns sem Náttúruverndarstofnun velur.
Hafa sótt skyndihjálparnámskeið á síðustu tveimur árum.
Hvað þarf að fylgja umsókn?
Leyfi og réttindi
Afrit af gildu skotvopnaleyfi (B-flokki).
Staðfesting á gildu veiðikorti.
Þjálfun og hæfni
Staðfesting á verklegu skotprófi sem lokið hefur verið á síðustu 12 mánuðum.
Staðfesting á þátttöku í námskeiði Náttúruverndarstofnunar og prófárangri.
Reynsla
Upplýsingar eða staðfesting sem sýnir fram á þekkingu og reynslu af hreindýraveiðum, fláningu og meðferð afurða.
Staðfesting á leiðsögn undir handleiðslu starfandi leiðsögumanns samkvæmt kröfum laga.
Öryggi
Staðfesting á skyndihjálparnámskeiði sem lokið hefur verið á síðustu tveimur árum.
Afgreiðsla umsóknar
Náttúruverndarstofnun fer yfir umsókn og fylgigögn. Uppfylli umsækjandi öll lögbundin skilyrði eru veitt réttindi til að starfa sem leiðsögumaður með hreindýraveiðum á tilteknu veiðisvæði og tiltekinn tíma samkvæmt ákvörðun stofnunarinnar.
Þjónustuaðili
Náttúruverndarstofnun