Vefsvæðið er í vinnslu

Bundið val

Innritun fer fram í gegnum innritunargátt MMS, Miðstöð menntunar- og skólaþjónustu.

Næsta skref er almennur upplýsingavefur um nám og störf.

Allar námsbrautir í íslenskum framhaldsskólum

Framhaldsskólanám.is

Allt framhaldsskólanám á Íslandi á sama stað

Framhaldsskólanám

Austurland

Höfuðborgarsvæði

Norðaustur-Ísland (Eyjafjörður, Þingeyjarsýslur)

Norðurland eystra

Norðvestur-Ísland (Skagafjörður, Húnavatnssýsla)

Norðurland vestra

Suður-Ísland (Rangárvallasýsla, Árnessýsla o.fl.)

Suðurland

Suðurnes

Vestfirðir

Vestur-Ísland (Borgarfjörður, Snæfellsnes)

Vesturland

Námið felur í sér almenna menntun, þar sem lögð er áhersla á alhliða þroska nemenda og lýðræðislega virkni

Hæfniþrep 1

Námið felur í sér undirbúning undir sérhæfð og lögvarin störf og sérhæft aðfaranám

Hæfniþrep 2

Stutt sérhæfing, grunnnám starfsgreina, ...

Námið felur í sér sérhæfðan undirbúning undir háskólanám, lögvarin störf, sérhæft starfsnám og listnám

Hæfniþrep 3

Stúdentspróf, starfsnám, listnám, ...

Námið felur í sér aukna faglega sérhæfingu og/eða dýpkun í tengslum við þróun og nýsköpun

Hæfniþrep 4

Borgarholtsskóli

Fisktækniskóli Íslands

Fjallaskóli Íslands

Fjölbrautaskólinn í Breiðholti

Fjölbrautaskólinn í Garðabæ

Fjölbrautaskólinn við Ármúla

Fjölbrautaskóli Norðurlands Vestra

Fjölbrautaskóli Snæfellinga

Fjölbrautaskóli Suðurlands

Fjölbrautaskóli Suðurnesja

Fjölbrautaskóli Vesturlands

Flensborgarskólinn í Hafnarfirði

Framhaldsskólinn á Húsavík

Framhaldsskólinn á Laugum

Framhaldsskólinn í Austur-Skaftafellssýslu

Framhaldsskólinn í Mosfellsbæ

Framhaldsskólinn í Vestmannaeyjum

Hárakademían

Kvennaskólinn í Reykjavík

Ljósmyndaskólinn

Menntaskóli Borgarfjarðar

Menntaskóli í tónlist

Menntaskólinn á Akureyri

Menntaskólinn að Laugarvatni

Menntaskólinn á Egilsstöðum

Menntaskólinn á Ísafirði

Menntaskólinn á Tröllaskaga

Menntaskólinn í Kópavogi

Menntaskólinn í Reykjavík

Menntaskólinn við Hamrahlíð

Menntaskólinn við Sund

Myndlistaskólinn í Reykjavík

Rafmennt

Tækniskólinn

Verkmenntaskóli Austurlands

Verkmenntaskólinn á Akureyri

Verzlunarskóli Íslands

Nám á námsbraut í Skapandi ljósmyndun 1, er tveggja anna nám þar sem megin áherslan er að kenna aðferðir við sköpun og að beita tæknilegum þáttum ljósmyndamiðilsins með skapandi hætti. Nemendur öðlast þekkingu á grundvallarþáttum ljósmyndatækninnar, bæði hefðbundinni filmuljósmyndun og ljósmyndun með stafrænni tækni og hljóta þjálfun í að beita tæknilegri þekkingu á skapandi máta. Kennd eru vinnubrögð og verklag við myndvinnslu; hvorutveggja í stafrænu umhverfi með myndvinnsluforritum og í myrkra- og framköllunaraðstöðu. Eins læra nemendur að halda utan um vinnu sína og verk með skilvirkum hætti. Fræðilegt nám á brautinni miðar að því að byggja upp fagþekkingu nemandans, auka víðsýni hans og að hvetja til frekari tilrauna með ljósmyndamiðilinn. 
Að loknu námi á námsbrautinni getur nemandi sótt um að ljúka B.A. gráðu við listaháskóla og er þá undir viðkomandi háskóla komið að hve miklu leyti hann metur námið til háskólaeininga.


Nemandi sem lokið hefur viðbótarnámi við framhaldsskóla hefur öðlast aukna sérhæfingu innan starfsnáms, listnáms eða annarar sérhæfingar og/eða útvíkkað sérhæfingu sína t.d. í tengslum við stjórnun, leiðsögn, þróun eða nýsköpun.

Viðbótarnám við framhaldsskóla (fjórða þrep)

viðbótarnám við framhaldsskóla

Verkfræði, framleiðsla og mannvirkjagerð

Skapandi ljósmyndun 1

Námið á námsbraut í Skapandi ljósmyndun 2, er þriggja anna nám. Þar er áhersla á að nemendur fái þjálfun í að beita ljósmyndatækninni á skapandi máta, þroski með sér persónulega nálgun á notkun miðilsins og verði færir um framsetningu persónulegra myndverka af ólíku tagi. Nemendum eru kynntir hagnýtir þættir þess að lifa af í listheimi samtímans og áhersla er á að þeir dýpki þekkingu sína á kenningarlegum og hugmyndafræðilegum þáttum er varða ljósmyndina sem listmiðil á öllum tímum en ekki síst að þeir þekki mikilvægt hlutverk miðilsins í samtímalistheimi.
Námi á námsbrautinni lýkur með diplóma í skapandi ljósmyndun og getur nemandi þá sótt um sótt um að ljúka B.A. gráðu við listaháskóla. Það er undir viðkomandi háskóla komið að hve miklu leyti hann metur námið til háskólaeininga.


Skapandi ljósmyndun 2

Nám í leiðsögn með áherslu á fjallgönguleiðsögn er framhald af námi í leiðsögn með áherslu á jöklaleiðsögn. Námið undirbýr nemendur undir fjölbreytt störf við leiðsögn. Leiðsögumaður með áherslu á fjallgönguleiðsögn er fær um að annast leiðsögn í einföldu landslagi á skriðjökli, leiðir hóp óreyndra um fjölfarnar leiðir á fjöllum og einfalt landslag á hájöklum. Námi á brautinni er ætlað að auka hæfni nemenda til að ferðast um fjalllendi, óbyggðir á Íslandi, hájökla og að geta farið fyrir hópi fólks á öruggan og ábyrgan hátt. Námið byggir á þeim stöðlum og kröfum sem gerðar eru til fjallgönguleiðsögumanna á Íslandi. Þess skal þó getið að starfsheitið leiðsögumaður er ekki lögverndað. Nám á brautinni er góður undirbúningur fyrir frekara nám m.a. í leiðsögn, ferðafræðum, útivist, og fjallamennsku hér á landi sem erlendis. Nemendur fá kynningar hjá fyrirtækjum og aðilum í ferðaþjónustu, meðal annars þeim sem skipuleggja fjalla- og óbyggðaferðir. Kynningarnar hafa það að markmiði að nemendur kynnist umfangi og fjölbreytileika starfa á þessum vettvangi og fái jafnframt meiri innsýn í hvernig unnt er að skipuleggja ferðir með aðstoð aðila í nærumhverfinu.  
 
Verkleg og bókleg námsbraut með námslok á 4. þrepi.

Leiðsögumaður býr yfir hæfni til að starfa sem leiðsögumaður með sérsvið í almennri leiðsögn, gönguleiðsögn að sumri, gönguleiðsögn að vetri, afþreyingarleiðsögn (áhættuleiðsögn), eða svæðisleiðsögn. Hann getur beitt leiðsögutækni, stjórnað hópi, brugðist við slysum og beitt grunnþekkingu í skyndihjálp. Leiðsögumaður kann að bregðast við íslenskum vetraraðstæðum, hefur fengið undirstöðuþjálfun í fjallamennsku, kann að meta snjóflóðahættu og hvernig best verður staðið að skipulagningu og leit í snjóflóði. Hann kann skil á öryggismálum, tryggingum og leyfum sem gilda í einstökum flokkum ferða. Hann getur á erlendu tungumáli leiðbeint ferðamönnum um helstu ferðir sem í boði eru og þekkir helstu ferðamannaleiðir, staði, söfn og stofnanir á hverju landsvæði.

leiðsögumaður

Þjónusta

Leiðsögumaður með áherslu á fjallgönguleiðsögn

Nám í leiðsögn með áherslu á jöklaleiðsögn undirbýr nemendur undir fjölbreytt störf í leiðsögn. Leiðsögumaður með áherslu á jöklaleiðsögn er fær um að annast leiðsögn í einföldu landslagi á skriðjökli og leiða hóp óreyndra um fjölfarnar slóðir á fjöllum. Námi á brautinni er ætlað að auka hæfni nemenda til að ferðast um fjalllendi og óbyggðir á Íslandi og geta farið fyrir hópi fólks á öruggan og ábyrgan hátt. Námið byggir á þeim stöðlum og kröfum sem gerðar eru til fjallgönguleiðsögumanna á Íslandi. Þess skal þó getið að starfsheitið leiðsögumaður er ekki lögverndað. Nám á brautinni er góður undirbúningur fyrir frekara nám m.a. í leiðsögn, ferðafræðum, útivist, og fjallamennsku hér á landi sem erlendis. Nemendur fá kynningar hjá fyrirtækjum og aðilum í ferðaþjónustu, meðal annars þeim sem skipuleggja fjalla- og óbyggðaferðir. Kynningarnar hafa það að markmiði að nemendur kynnist umfangi og fjölbreytileika starfa á þessum vettvangi og fái jafnframt meiri innsýn í hvernig unnt er að skipuleggja ferðir með aðstoð aðila í nærumhverfinu.  
 
Verkleg og bókleg námsbraut með námslok á 4 þrepi.

Leiðsögumaður með áherslu á jöklaleiðsögn

Námsbrautin er alls 234 einingar og þar af eru 25 einingar sem nemendur hafa lokið áður en þeir hefja nám á brautinni. Skólinn kennir bóklegar og verklegar sérgreinar í hársnyrtiiðn og náminu lýkur með sveinsprófi. Námslok eru á 3. hæfniþrepi, nemendur taka 209 einingar í skólanum og námið tekur að jafnaði tvö ár,12 mánuðir í skóla og 52 vikur á námssamning á hársnyrtistofum. Fyrirtæki sem samþykkt eru af nemaleyfisnefnd geta ein tekið við nemum í starfþjálfun. Í starfsþjálfun öðlast nemar mikilvæga reynslu og dýpri fagþekkingu sem undirbýr þá til að starfa við hársnyrtiiðn á vinnumarkaði að loknu sveinsprófi. Í náminu eru einnig fjölda verkefna sem tengjast atvinnulífinu beint. Sveinspróf veitir réttindi til að starfa í iðngreininni auk inngöngu í nám til iðnmeistara. Skólinn er sniðinn að þörfum nemenda ásamt því að bjóða upp á gott og frjótt vinnuumhverfi fyrir bæði nemendur og starfsmenn. 

Nemandi með starfsréttindapróf býr yfir þekkingu, leikni og hæfni til að skipuleggja, velja og beita viðeigandi vinnuaðferðum á sjálfstæðan og ábyrgan hátt. Hann þekkir siðferðilega stöðu sína, getur metið eigin störf. Hann getur leiðbeint neytendum, viðskipavinum og samstarfsmönnum á vinnustað. Hann býr yfir hæfni til að geta tjáð sig um sérhæfða þekkingu sína á erlendu tungumáli sé þess krafist, getur skýrt verklag tengt starfsumhverfi á ábyrgan, gangrýninn og skýran hátt, getur nýtt þekkingu sína leikni og hæfni til að greina ný tækifæri  og verið virkur og ábyrgur í lýðræðislegu samfélagi starfsgreinar sinnar.

Próf til starfsréttinda á þriðja þrepi

Hársnyrtir býr yfir víðtækri sérþekkingu á efnameðferðum, klippingum og útfærslu forma í daglegu  starfi. Hann getur greint þarfir sínar fyrir símenntun til að geta útfært nýjustu aðferðir og tækni í hártísku hvers tíma. Hann býr yfir hæfni til að beita fræðilegum og raunhæfum lausnum á einstaklingsþörfum viðskiptavinar varðandi hár þeirra og getur leiðbeint um rétta umhirðu hárs. Hann vinnur sjálfstætt og útfærir klippiform og efnameðferðir sem hæfir viðskiptavini án eftirlits og leiðsagnar. Hársnyrtir er löggilt starfsheiti.

hársnyrtir

Hársnyrtibraut

Skapandi tæknibraut er tveggja ára nám í kvikmyndagerð þar sem áhersla er lögð á þá þætti kvikmyndagerðar þar sem unnið er með tæknibúnað á listrænan hátt. Sérgreinar brautarinnar eru 4: Kvikmyndataka, klipping, hljóðhönnun og myndbreyting (vfx). Nemendur fá faglega kennslu og mikla verklega þjálfun sem miðar að því að nemandi geti orðið virkur á atvinnumarkaði strax að námi loknu. Rík áhersla er lögð á listræna og skapandi þætti í náminu. Að loknu námi getur nemandi sótt um að ljúka BA gráðu við háskóla og er þá undir viðkomandi háskóla komið hvort og þá að hve miklu leyti námið er metið til háskólaeininga.

Skapandi tækni

Nám á handrita- og leikstjórnarbraut er tveggja ára nám í kvikmyndagerð þar sem áhersla er lögð á handritagerð og kvikmyndaleikstjórn. Nemendur fá faglega kennslu og mikla verklega þjálfun við að skrifa margvísleg kvikmyndahandrit og leikstýra eftir þeim. Áhersla er lögð á fjölbreytni í verkefnum og að unnið sé fyrir alla miðla. Rík áhersla er lögð á listræna og skapandi þætti í náminu. Að loknu námi getur nemandi sótt um að ljúka BA gráðu við háskóla og er þá undir viðkomandi háskóla komið hvort og þá að hve miklu leyti námið er metið til háskólaeininga. 

Handrit og leikstjórn

Nám á leikstjórnar- og framleiðslubraut er tveggja ára nám í kvikmyndagerð þar sem áhersla er lögð á kvikmyndaleikstjórn og framleiðslu. Nemendur fá faglega kennslu og mikla verklega þjálfun við að þróa, framleiða og leikstýra kvikmyndaverkum af öllu tagi. Nemandinn fær nána leiðsögn fagfólks; framleiðenda, leikstjóra og atvinnuleikara og fær sérstaka þjálfun í leikaraleikstjórn. Rík áhersla er lögð á listræna og skapandi þætti í náminu.  Að loknu námi getur nemandi sótt um að ljúka BA gráðu við háskóla og er þá undir viðkomandi háskóla komið hvort og þá að hve miklu leyti námið er metið til háskólaeininga.

Leikstjórn og framleiðsla

Leiklistarbraut er tveggja ára nám í kvikmyndagerð þar sem áhersla er lögð á kvikmyndaleik. Nemendur fá faglega kennslu og mikla verklega þjálfun í líkamlegri leiklistarvinnu. Á fyrri önnum er áherslan á leiktækni, þjálfun og ólíkar leiktúlkunaraðferðir, en á seinni önnum færist áherslan yfir á sértækari svið kvikmyndaleiks. Samhliða læra nemendur grunnatriði kvikmyndagerðar. Rík áhersla er lögð á listræna og skapandi þætti í náminu. Að loknu námi getur nemandi sótt um að ljúka BA gráðu við háskóla og er þá undir viðkomandi háskóla komið hvort og þá að hve miklu leyti námið er metið til háskólaeininga.

Leiklist fyrir kvikmyndir

Á félagsvísindabraut er lögð áhersla á  gott almennt nám og þó einkum góða þekkingu á sviði félagsvísinda. Brautin býr nemendur undir frekara nám í félags- og hugvísindum. Nemendur brautarinnar velja sér tvær félagsvísindagreinar af fjórum sem þeir kjósa til frekari sérhæfingar.

Nemandi með stúdentspróf af bóknámsbraut býr yfir almennri og sérhæfðri þekkingu, leikni og hæfni til að takast á við nám á háskólastigi. Sérhæfingin tengist fræðasviði á háskólastigi sem er grundvallað á bóknámi. Við sérhæfinguna hefur nemandi öðlast innsýn í starfsaðferðir viðkomandi fræðasamfélags og býr yfir hæfni til að verða ábyrgur og virkur einstaklingur í því lýðræðislega samfélagi. Hann getur nýtt sér norrænt og annað erlent tungumál við frekara nám og sér menntun sína í alþjóðlegu samhengi. Hann býr yfir hæfni til að geta tjáð sig um sérhæfða þekkingu sína, getur skýrt og rökstutt verklag á ábyrgan, gagnrýninn og skýran hátt. Hann býr yfir hæfni til að tengja þekkingu sína og leikni við tækni og vísindi, getur nýtt þekkingu sína, leikni og hæfni til að greina ný tækifæri og getur tekist á við frekara nám á háskólastigi.

Bóknámsbrautir til stúdentsprófs (þriðja þrep)

Nemandi með stúdentspróf býr yfir almennri og sérhæfðri þekkingu, leikni og hæfni til að takast á við nám á háskólastigi. Sérhæfingin tengist því fræðisviði á háskólastigi sem stefnt er á. Við sérhæfinguna fær nemandinn innsýn inn í starfsaðferðir viðkomandi fræðasamfélags auk töluverðar verkþekkingar á sínu valsviði sem getur verið verklegt eða listnám/hönnun. Hann hefur öðlast hæfni til að geta sýnt og tjáð sérhæfða þekkingu sína oggetur skýrt og rökstutt verklag á ábyrgan og skýran hátt. Hann býr yfir hæfni til að tengja þekkingu sína og leikni við tækni og vísindi og getur nýtt þekkingu sína, leikni og hæfni til að greina ný tækifæri og nýta sér þau. Nemandinn býr yfir hæfni til að vera ábyrgur og virkur einstaklingur í lýðræðissamfélagi.

stúdent (almennt)

Almennt nám

Félagsvísindabraut

Á íþróttabraut er lögð áhersla á gott almennt nám og þó einkum á sviði íþrótta.  Brautin er góður almennur undirbúningur undir nám á háskólastigi í íþróttafræðum, þjálfun, útivístarfræðum, tómstundafræðum og skyldum greinum. 

Nemandi með stúdentspróf af bóknámsbraut býr yfir almennri og sérhæfðri þekkingu, leikni og hæfni til að takast á við nám á háskólastigi. Sérhæfingin tengist því fræðasviði á háskólastigi sem stefnt er á. Við sérhæfinguna hefur hann öðlast innsýn inn í starfsaðferðir viðkomandi fræðasamfélags og býr yfir hæfni til að verða ábyrgur og virkur einstaklingur í því lýðræðislega samfélagi. Hann getur nýtt sér erlent tungumál við frekara nám og sér menntun sína í alþjóðlegu samhengi. Hann býr yfir hæfni til að geta tjáð sig um sérhæfða þekkingu sína, getur skýrt og rökstutt verklag á ábyrgan, gagnrýninn og skýran hátt. Hann býr yfir hæfni til að tengja þekkingu sína og leikni við tækni og vísindi og getur nýtt þekkingu sína leikni og hæfni til að greina ný tækifæri.

stúdent (bóknám)

Íþróttabraut

Bakari bakar brauð og kökur, gerir eftirrétti og sælgæti og framleiðir skyndirétti. Hann starfar í bakaríum, kökugerðarhúsum, á hótelum og veitingahúsum, í kexverksmiðjum og sælgætisgerðum. Hann ber ábyrgð á útkomu vinnu sinnar gagnvart viðskiptavinum. Bakari vinnur í samræmi við gæðaferla um innra eftirlitskerfi vinnustaða og vinnureglur um afgreiðslu á vörum og þjónustu og almennar siðareglur. Bakaraiðn er löggilt iðngrein.

Bakari býr yfir hæfni til að vinna sjálfstætt að almennum og sérhæfðum verkefnum tengdum bakstri, bera ábyrgð á skipulagi og úrlausn verkefna og meta eigin störf. Hann kann skil á hráefni, hjálparefnum o.fl. sem notuð eru í bakstur, meðferð þeirra, flokkun og gæðamati. Hann kann aðferðir við hámarksnýtingu hráefnis og getur reiknað út bakstursrýrnun á brauðvörum. Hann þekkir og getur unnið eftir uppskriftum, breytt þeim eftir framleiðslumagni ef þurfa þykir og valið vinnsluaðferð við hæfi hverju sinni. Hann getur reiknað út hollustu- og næringargildi helstu framleiðsluvara, kann skil á verðútreikningi á vöru og þjónustu, getur reiknað út arðsemi og unnið við sjóðsvél þar sem við á. Hann getur leiðbeint neytendum, viðskiptavinum og samstarfsmönnum á vinnustað. Bakari er löggilt starfsheiti. 

bakari

Bakari, brauða og kökugerð

Framreiðslumaður vinnur sjálfstætt við framreiðslu, annast faglega þjónustu og stjórnun í veitingasal; tekur á móti gestum með viðeigandi hætti; stjórnar veisluhaldi í samstarfi við matreiðslumenn og annað fagfólk; gerir áætlanir um veitingarekstur og mannahald og velur viðeigandi framreiðsluaðferð eftir tilefni viðburða. Framreiðslumaður þjónar fjölmenningarlegum hópi gesta og leiðbeinir um val á vörum í samræmi við óskir og þarfir þeirra.  Framreiðslumaður starfar í samræmi við siðareglur greinarinnar. Framreiðslumaður starfar þar sem seldar eru veitingar í atvinnuskyni. Framreiðsla er löggilt iðngrein 

Framreiðslumaður býr yfir hæfni til að vinna sjálfstætt, bera ábyrgð á skipulagi og úrlausn verkefna og meta eigin störf. Hann getur unnið við vélar, tæki og verkfæri sem henta hverju sinni, annast umhirðu þeirra og hreinsun, tryggt eðlilegt viðhald þeirra og séð til þess að ýtrustu öryggiskröfum sé framfylgt. Hann getur annast daglega stjórnun í veitingasal og gert áætlanir um veitingarekstur og mannahald til lengri og skemmri tíma. Framleiðslumaður getur undirbúið og tekið á móti gestum, einstaklingum og hópum á viðeigandi hátt, stjórnað veisluhaldi innan veggja veitingahúss sem utan, frætt og leiðbeint gestum um rétti á og vín á mat- og vínseðli hverju sinni. Framreiðslumaður getur valið og beitt viðeigandi framreiðsluaðferð miðað við tilefni hverju sinni. Hann getur annast og stjórnað frágangi í veitinga- og veislusölum og vínstúku eftir dagsins önn samkvæmt viðurkenndum kröfum og gengið frá uppgjöri í samræmi við sölukerfi veitingahúss. Framreiðslumaður er löggilt starfsheiti.

framreiðslumaður

Framreiðslunám

Á almenna námsbraut eru skráðir þeir nemendur sem ekki hafa náð námsmarkmiðum grunnskólans í einni eða fleiri kjarnagreinum, þ.e. íslensku, ensku, dönsku eða stærðfræði, en þess er krafist til inngöngu á aðrar brautir skólans. 

Nemandi með framhaldsskólapróf á 2. hæfniþrepi hefur öðlast hæfni til að tjá skoðanir sínar og skýra verklag tengt skilgreindu sérsviði eða starfsumhverfi á ábyrgan, sjálfstæðan og skýran hátt.  Hann getur unnið sjálfstætt  undir stjórn yfirmanns. Hann byr yfir grundvallarþekkingu, leikni og hæfni innan sérþekkingar eða starfsvettvangs, getur skipulagt og forgangsraðað störfum sínum, veitt ráðgjöf og leiðbeiningar í samráði við yfirmann. Hann býr yfir ábyrgð gagnvart starfi og starfsumhverfi og getur tengt þekkingu sína og leikni við starfsumhverfi og daglegt líf.

Framhaldsskólapróf á öðru þrepi

Nemandi með framhaldsskólapróf á 2. hæfniþrepi hefur öðlast hæfni til að tjá skoðanir sínar og skýra verklag tengt skilgreindu sérsviði eða starfsumhverfi á ábyrgan, sjálfstæðan og skýran hátt.  Hann getur unnið sjálfstætt  undir stjórn yfirmanns. Hann byr yfir grundvallarþekkingu, leikni og hæfni innan sérþekkingar eða starfsvettvangs, getur skipulagt og forgangsraðað störfum sínum, veitt ráðgjöf og leiðbeiningar í samráði við yfirmann. Hann býr yfir ábyrgð gagnvart starfi og starfsumhverfi og getur tengt þekkingu sína og leikni við starfsumhverfi og daglegt líf. 

framhaldsskólapróf (2. þrep)

Almenn námsbraut

Stúdentspróf af listmenntabraut veitir góðan undirbúning fyrir háskólanám í myndlist eða leiklist. Auk þess velur nemandi sér ýmsar listgreinar á móti fyrstu listgrein (myndlist eða leiklist) sem styrkja viðkomandi fyrir frekara nám í listgreinum. Námið getur einnig verið góður undirbúningur fyrir nám í félags- og hugvísindum.





Listmenntabraut

Stúdentspróf af málabraut veitir m.a. staðgóða þekkingu á ensku og tveimur öðrum nútímamálum samkvæmt vali skólans og nemandans. Brautin er um leið góður undirbúningur hvers konar málanáms á háskólastigi. Einnig hentar þetta nám sem undirbúningur háskólanáms þar sem sérstaklega reynir á kunnáttu í ensku eða öðrum nútímamálum svo sem náms í ýmsum greinum félagsvísinda, heimspeki, bókmenntafræði og málfræði. Námið hentar ekki sem undirbúningur undir nám í raunvísindum eða verkfræði.

Málabraut

Námi á nýsköpunar- og listabraut er ætlað að veita nemendum góða og almenna undirstöðu í listum og nýsköpun. Brautin er tveggja ára 116 feininga braut með námslok á 2. þrepi. Námið er skipulagt sem fjögurra anna lista- og starfsnám sem lýkur með framhaldsskólaprófi en einnig er hægt að taka viðbótarnám til stúdentsprófs.
Markmið náms á nýsköpunar- og listabraut er að virkja sköpunarkraft nemandans svo að hann verði hæfari að samnýta og samþætta óskylda hluti, skoðanir og stefnur. Með markvissri þjálfun í skólanum og á starfsvettvangi verður nemandinn hæfari til þátttöku og nýsköpunar í samfélaginu og áttar sig á mikilvægi hugmyndafræði og hugsunarháttar frumkvöðulsins.

Nýsköpunar- og listabraut

Matartæknanám er 204 eininga bóklegt og verklegt nám sem lýkur með fagprófi matartæknis á 3. námsþrepi.
Matartæknanám er þrjár annir í skóla ásamt vinnustaðanámi í 15 vikur og starfsþjálfun í 38 vikur. Matartæknanám býr nemendur undir matreiðslu í eldhúsum heilbrigðisstofnana, leik-, grunn- og framhaldsskólum og mötuneytum vinnustaða.  
Matartæknar semja matseðla með fæðutengdar ráðleggingar Embættis landlæknis að leiðarljósi, breyta matseðlum fyrir einstaklinga sem þurfa á sérfæði að halda og skipuleggja innkaup. Þeir panta inn og taka á móti hráefni unnu og óunnu, undirbúa það til matargerðar og meðhöndla það til geymslu á viðeigandi hátt. Þeir matreiða máltíðir fyrir ólíka hópa, s.s. börn, unglinga, íþróttafólk og aldraða. Ennfremur þá sem þurfa á sérfæði og sjúkrafæði að halda og meta skammtastærðir hverju sinni. Þeir afgreiða fæði úr eldhúsi og stjórna skömmtunarfæribandi í stóreldhúsum. Þeir sjá um frágang samkvæmt heilbrigðisreglugerð.
Matartæknar hafa einnig hæfni til að útbúa fínni kvöldverðarétti, leggja á borð, framreiða mat og annast þjónustu.
Að lokinni brautskráningu frá skóla getur nemandi sótt um löggildingu starfsheitis til Embættis landlæknis og öðlast þá réttindi til að starfa sem matartæknir á Íslandi.

Matartæknir býr yfir sérhæfðum undirbúningi fyrir starf í mötuneytum. Hann getur unnið sjálfstætt, borið ábyrgð á skipulagi og úrlausn verkefna og metið eigin störf. Matartæknir getur gert áætlanir til lengri og skemmri tíma. Hann býr yfir hæfni til að setja saman matseðla og matreiða með hliðsjón af næringarfræðilegum þörfum einstakra hópa, m.a. barna, aldraðra og sjúklinga með ólíka sjúkdóma og þarfir fyrir sérfæði. Hann getur matreitt allan algengan heimilismat á fjölbreytilegan hátt eftir viðurkenndum matreiðsluaðferðum. Matartæknir kann að útbúa hátíðarrétti og skreyta borð við hæfi. Hann kann allar algengar aðferðir til að auka geymsluþol matvæla og getur annast og haft eftirlit með hreinsun umhverfis, tækja og áhalda í samræmi við gildandi staðla og reglur um hreinlæti, meðferð spilliefna o.fl.

matartæknir

Matartæknanám

Brautin er ætluð nemendum í iðn- og starfsnámi og er með námslok á 3. hæfniþrepi. Markmið með námsleiðinni er að uppfylla þær lágmarkskröfur sem aðalnámskrá framhaldsskóla setur til stúdentsprófs. Sérhæfing nemandans er fólgin í iðn- og starfsnámi hans. Mikilvægt er að nemendur skipuleggi nám sitt til að mæta aðgangsviðmiðum þeirrar námsleiðar sem þeir stefna á í háskóla.

Viðbótarnám til stúdents

Matsveinanám undirbýr nemendur undir störf í mötuneytum, á fiski- og flutningaskipum og minni ferðaþjónustufyrirtækjum. Matsveinar semja matseðla fyrir alla almenna matreiðslu og heimilismat í mötuneytum með fæðutengdar ráðleggingar Embættis landlæknis að leiðarljósi.  Þeir annast innkaup og móttöku á öllu hráefni. Þeir undirbúa hráefni til matargerðar og meðhöndlunar, afgreiða fæði úr eldhúsi og sjá um frágang á vinnusvæðis í samræmi við kröfur innra eftirlits. Matsveinar hafa einnig hæfni til að útbúa fínni kvöldverðarétti, leggja á borð, framreiða mat og annast þjónustu.

Nemandi sem lokið hefur námi sem fellur undir önnur próf á 2. hæfniþrepi getur unnið sjálfstætt  undir stjórn yfirmanns. Hann býr yfir grundvallarþekkingu, leikni og hæfni innan starfsvettvangs, listgreinar eða sérþekkingar, getur skipulagt og forgangsraðað störfum sínum, veitt ráðgjöf og leiðbeiningar í samráði við yfirmann. Hann ber virðingu fyrir grundvallarreglum starfsumhverfis, býr yfir ábyrgð gagnvart starfi og starfsumhverfi og hæfni til að tjá skoðanir sínar og skýra verklag tengdu starfsumhverfi á ábyrgan, sjálfstæðan og skýran hátt.

Önnur lokapróf á öðru þrepi

Matsveinn starfar við eldamennsku á öllum réttum sem eru á boðstólum í eldhúsum á minni
fiski- og flutningaskipum og litlum mötuneytum. Matsveinn þjónar fólki sem borðar hjá
honum daglega, skipuleggur matseðla með hliðsjón af hollustu og næringargildi þeirra rétta
sem á boðstólum eru. Hann annast innkaup á hráefni og öðrum vörum fyrir eldhúsið.

 Matreiðir allan algengan heimilismat, skyndirétti og hátíðarmat og framreiðir á
smekklegan hátt.
 Matreiðir eftir viðurkenndum matreiðsluaðferðum.
 Gerir áætlanir um innkaup til lengri og skemmri tíma, gerir pöntunarlista og annast
innkaup.
 Forgangsraðar verkefnum, undirbýr verk og vinnusvæði.
 Setur saman matseðla með hliðsjón af faglegum ráðleggingum um hollustu og
næringargildi.
 Dúkar upp og leggur á borð eftir mismunandi matseðlum og tækifærum.
 Starfar í samræmi við siðareglur greinarinnar. 

matsveinn

Matsveinn

Nám í málm- og véltæknigreinum er sambland af verk- og bóknámi sem miðar að því að búa nemandann undir líf og störf í nútíma lýðræðissamfélagi þar sem reynir á gagnrýna hugsun og upplýsingaöflun auk virkrar þátttöku í mótun þess samfélags sem nemandinn er hluti af. Markmið náms í vélvirkjun er að að gera nemandann færan um að uppfylla hæfnikröfur sem gerðar eru til vélvirkja en þeir fást m.a. við uppsetningu, viðgerðir, viðhald, endurnýjun og þjónustu á hvers kyns vél- og tæknibúnaði t.d. í skipum, vinnslustöðvum, vinnuvélum, verksmiðjum, orkuverum og orkuveitum.

Vélvirki er fagmaður í meðferð allra tegunda brunavéla, viðhaldi þeirra, bilanagreiningu og viðgerðum og uppsetningu. Hann hefur hæfni til að meta ástand véla með mælingum, metur skemmda vélhluta, gerir við eða endurnýjar og prufukeyrir. Hann getur sett upp og rétt af vélar og aflrásir og sett upp titringsmæli. Hann getur skipulagt kerfisbundið viðhald véla og aflrása, er fagmaður í viðhaldi og viðgerðum vökvakerfa. Vélvirki starfar samkvæmt gæðastöðlum, gæðahandbók og öðrum verklagsreglum. Hann þekkir gildi viðskiptamanns fyrir fyrirtækið. Vélvirki þekkir umhverfisáhrif sem störf hans kunna að valda og vinnur umbótastarf á því sviði. Vélvirki er löggilt starfsheiti.

vélvirki

Vélvirkjun

Á náttúruvísindabraut er lögð áhersla á gott almennt nám og þó einkum góða þekkingu á sviði stærðfræði, náttúru- og raunvísinda. Brautin er góður undirbúningur undir frekara nám í náttúru- og raunvísindum, tæknigreinum og heilbrigðisvísindum. 

Náttúruvísindabraut

Matreiðslumaður matreiðir og útbýr rétti til framreiðslu. Hann er hæfur til að beita öllum höfuðmatreiðsluaðferðum, jafnt í sígildri sem nútíma matargerð. Hann tekur tillit til óska viðskiptavina og aðlagar matreiðslu sína að neysluþörfum markhópa og einstaklinga. Hann ber ábyrgð á útkomu vinnu sinnar gagnvart viðskiptavinum. Matreiðslumaður starfar þar sem seldar eru veitingar í atvinnuskyni, s.s. á hótelum, veitingahúsum, kaffihúsum og farþegaskipum og þar sem matreiðsla er þjónustuþáttur við aðra starfsemi eins og í mötuneytum, á fraktskipum og á heilbrigðisstofnunum. Hann vinnur í samræmi við gæðaferla um innra eftirlitskerfi vinnustaða, vinnureglur um rekjanleikja og afgreiðslu á vörum og þjónustu og almennar siðareglur. Matreiðsla er löggilt iðngrein.

Matreiðslumaður getur unnið sjálfstætt, borið ábyrgð á skipulagi og úrlausn verkefna og metið eigin störf. Hann getur gert áætlanir, sett saman matseðla miðað við mismunandi tilefni og óskir viðskiptavina, matreitt allan algengan mat, beitt öllum höfuðmatreiðsluaðferðum jafnt í sígildri sem og nútíma matargerð. Hann býr yfir hæfni til að þróa og laga að nýjum útfærslum og kann skil á meginstraumum í íslenskri og alþjóðlegri matreiðslu. Hann getur sett upp hlaðborð af ýmsum tilefnum, kann allar algengar aðferðir til að auka geymsluþol matvæla og getur reiknað út verð sem byggir á framleiðslustöðlum, uppskriftum og framlegð. Matreiðslumaður er löggilt starfsheiti.

matreiðslumaður

Matreiðsla

Markmið náms og kennslu á félagsliðabraut er að auka þekkingu og fagkunnáttu þeirra sem sinna einstaklingum sem þurfa sérstaka aðstoð við athafnir daglegs lífs. Að loknu námi eru nemendur færir um að styrkja jákvæða sjálfsmynd einstaklinga og stuðla þar með að auknu sjálfstæði þeirra. Kynntar eru aðferðir til að greina, skilja og virða þarfir fólks auk þess sem stefnt er að því að auka lífsgæði þeirra sem þjónustunnar njóta, bæði líkamlega, efnislega, félagslega og tilfinningalega. Stöðugt er leitast við að vekja athygli nemenda á manngildi og leita nýrra leiða til að þróa og bæta þjónustuna.

Félagsliði starfar á sviði félags- og umönnunarþjónustu. Hann býr yfir hæfni til að meta þarfir og líðan skjólstæðinga sinna og einnig  árangur þjónustunnar sem hann veitir. Félagsliði skráir algengar athuganir í dagbækur og samskiptabækur. Hann skipuleggur og forgangsraðar störfum sínum í samræmi við fyrirmæli yfirmanna  s.s. þroskaþjálfa, iðjuþjálfa, félagsráðgjafa og  hjúkrunarfræðinga. Hann styrkir skjólstæðinga til sjálfshjálpar og örvar þá til þátttöku og virkni, leiðbeinir skjólstæðingum og aðstandendum þeirra varðandi réttindi til margvíslegrar þjónustu og aðstoðar þá við að sækja rétt sinn. Félagsliði sýnir færni í samskiptum og eykur lífsgæði skjólstæðinga sinna.

félagsliði

Heilbrigði og velferð

Þjónustubraut - félagsliði

Stúdentspróf af náttúrufræðibraut veitir góðan undirbúning fyrir háskólanám í raungreinum, stærðfræði og tengdum greinum. 

Nemendur eru skyldugir til að ljúka grunnáföngum í stærðfræði, eðlisfræði, efnafræði, líffræði og jarðfræði en hafa auk þess nokkurt val til að bæta við þekkingu sína í þessum greinum. Það val geta nemendur notað til að styrkja undirbúning sinn fyrir það nám sem stefnt er að í háskóla.

Náttúrufræðibraut

Stúdentspróf af opinni braut veitir góðan undirbúning fyrir háskólanám í þeim þremur til fjórum kjörgreinum sem nemandinn velur sér. Kjörgreinarnar mega vera af ólíkum toga og unnt er að nota frjálst val til þess að leggja aukna áherslu á einhverja eina þeirra ef henta þykir. Nemandinn getur þannig skipulagt nám innan brautarinnar eftir áhuga og mögulegu framhaldsnámi. 





Opin braut

Á fjölgreinabraut er lögð áhersla á gott almennt nám og mikið val nemenda.  Brautin er góður almennur undirbúningur undir nám á háskólastigi, með áherslum í vali geta nemendur undirbúið sig fyrir frekara nám á áhugasviðum sínum.  Val nemenda verður að vera í samráði við deildarstjóra og námsráðgjafa.


Fjölgreinabraut

Stálsmiður hannar, smíðar og gerir við vélar, reisir mannvirki og viðheldur þeim, smíðar, viðheldur og gerir við skip og sinnir annarri þjónustu sem byggir á málmsmíði. Stálsmiðir starfa hjá framleiðslu- og byggingafyrirtækjum. Stálsmiður er lögverndað starfsheiti og stálsmíði löggild iðngrein. 
Markmið náms í stálsmíði er að gera nemendum kleift að takast á við þau viðfangsefni sem stálsmiðir inna af hendi. Náminu lýkur með sveinsprófi er veitir rétt til starfa í stálvirkjasmíði eða stálskipasmíði og til inngöngu í nám til iðnmeistararéttinda. 
Náminu er ætlað að búa nemendur undir þátttöku í nútímalegu lýðræðissamfélagi með því að auka hæfni þeirra til gagnrýninnar hugsunar, efla vitund um eigin getu og takmarkanir og styrkja samskiptahæfni og samhug. Auk þess að búa nemendur sem best undir störf og frekara nám er áhersla lögð á að koma til móts við nemendur sem vilja hagnýta menntun sem felur í sér hæfni til starfa sem krefjast nákvæmni, útsjónarsemi, sköpunarhæfni og vandaðs verklags.

Stálsmiður er fagmaður í málmsuðu. Hann hefur hæfni til að velja viðeigandi verkfæri og aðföng til margvíslegra suðu- og logskurðarverkefna, þekkir og notar staðla um suður og viðurkenndar eftirlits- og prófunaraðferðir. Stálsmiður kynnir sér nýjungar í suðutækni og tileinkar sér þær. Hann þekkir kröfur til hæfnisvottunar í málmsuðu, þekkir allar reglur um öryggismál varðandi málmsuðu, málmskurð, vinnu í hæð og með þunga hluti og fylgir slíkum reglum. Stálsmiður er löggilt starfsheiti.

stálsmiður

Stálsmiður

Vélvirki annast uppsetningu, viðgerðir, viðhald, endurnýjun og þjónustu á hvers kyns vél- og tæknibúnaði og flutningakerfum í skipum, vinnslustöðvum, vinnuvélum, verksmiðjum, orkuverum og orkuveitum. Hann skipuleggur fyrirbyggjandi viðhald, fylgist með ástandi vélbúnaðar og greinir bilanir. Vélvirkjar starfa hjá fyrirtækjum sem smíða og annast viðhald véla og vélbúnaðar, í framleiðslufyrirtækjum og bygginga- og skipasmíðafyrirtækjum. Vélvirki er lögverndað starfsheiti og vélvirkjun löggilt iðngrein.
 
Markmið náms í vélvirkjun er að gera nemendum kleift að takast á við þau viðfangsefni sem vélvirkjar inna af hendi. Náminu lýkur með sveinsprófi er veitir rétt til starfa við vélvirkjun og til inngöngu í nám til iðnmeistararéttinda. 
 
Nemendur geta lokið þeim hluta námsins sem kenndur er í skóla á þremur námsárum. Að þeim tíma loknum tekur við starfþjálfun á vinnumarkaði. Loks er gert ráð fyrir að nemendur taki sveinspróf í vélvirkjun.
 
Nám á málm- og véltæknibraut er starfsnám sem á rætur í ævafornum hefðum en byggir engu að síður á nýjustu þekkingu manna í tækni og vísindum. Í greinunum vefjast fornar handverkshefðir og vitneskja um eiginleika málma saman við nútíma tölvu- og stýritækni. Náminu er ætlað að búa nemendur undir þátttöku í nútímalegu lýðræðissamfélagi með því að auka hæfni þeirra til gagnrýninnar hugsunar, efla vitund um eigin getu og takmarkanir og styrkja samskiptahæfni og samhug. Auk þess að búa nemendur sem best undir störf og frekara nám er áhersla lögð á að koma til móts við nemendur sem vilja hagnýta menntun sem felur í sér hæfni til starfa sem krefjast nákvæmni, útsjónarsemi, sköpunarhæfni og vandaðs verklags.

Málm- og véltæknibraut - vélvirkjun

Markmið brautarinnar er fyrst og fremst að búa nemendur undir frekara nám í náttúruvísindum. Brautin skiptist í tvö svið, tæknisvið og heilbrigðissvið. Lögð er áhersla á að nemendur fái góða þekkingu í stærðfræði og náttúrufræðigreinum. Á tæknisviði  er mikil áhersla lögð á stærðfræði, eðlisfræði og tölvunarfræði enda er það hugsað sem góður undirbúningur undir frekara nám í raunvísindum, stærðfræði , verkfræði  og tæknigreinum. Á heilbrigðissviði er meiri áhersla lögð á líffræði og efnafræði og er þetta svið traustur grunnur undir frekara nám í lífvísindum og heilbrigðisvísindum. Náttúrufræðibrautinni lýkur með stúdentsprófi sem veitir réttindi til háskólanáms.

Markmið brautarinnar er að nemendur öðlist góða grunnmenntun á sviði lista með áherslu á þrjú svið, fata- og textílhönnun, leiklist og myndlist. Stúdentspróf af brautinni veitir bæði  markvissan undirbúning til frekara náms í listgreinum í sérskólum eða skólum á háskólastigi auk þess sem það veitir nemendum góðan grunn undir hverslags nám og störf.  Samfélagið gerir sífellt meiri kröfur um skapandi einstaklinga og veitir listnámsbrautin sérlega góða þjálfun í skapandi hugsun og athöfnum og þjálfar nemendur í hugmyndaauðgi og frumlegum lausnum hvers kyns verkefna. Nemendur geta sniðið  kjörsvið og valeiningar að eigin áhugasviðum eða undirbúið sig undir annars konar nám í háskólum með hliðsjón af aðgangsviðmiðum viðkomandi háskólanáms.

Nemandi með stúdentspróf af öðrum brautum en bóknámsbrautum býr yfir almennri og sérhæfðri þekkingu, leikni og hæfni til að takast á við nám á háskólastigi. Sérhæfingin tengist fræðasviði á háskólastigi sem er grundvallað á starfsnámi eða listnámi. Við sérhæfinguna hefur nemandi öðlast innsýn í starfsaðferðir viðkomandi fræðasamfélags og býr yfir hæfni til að verða ábyrgur og virkur einstaklingur í því lýðræðislega samfélagi. Hann getur nýtt sér norrænt tungumál og eftir atvikum grunnþekkingu í þriðja tungumáli, samfélagsgreinum eða raungreinum við frekara nám og sér menntun sína í alþjóðlegu samhengi. Hann býr yfir hæfni til að geta tjáð sig um sérhæfða þekkingu sína, getur skýrt og rökstutt verklag á ábyrgan, gagnrýninn og skýran hátt. Hann býr yfir hæfni til að tengja þekkingu sína og leikni við tækni og vísindi, getur nýtt þekkingu sína, leikni og hæfni til að greina ný tækifæri og getur tekist á við frekara nám á háskólastigi.

Aðrar brautir til stúdentsprófs (þriðja þrep)

Listnámsbraut

Markmið brautarinnar er að nemendur öðlist góða almenna þekkingu á sviði félags- og hugvísinda, geti greint einkenni og þróun samfélaga og geri sér grein fyrir mótunaröflum einstaklinga og hópa. Einnig eiga nemendur að þekkja sögu og þróun menningar, trúarbragða, uppeldisstefna, stjórnmála og fjölmiðla í fortíð og nútíð. Að námi loknu geti nemendur séð atburði líðandi stundar í sögulegu samhengi og tekið þátt í umræðu um samfélagsleg málefni. Auk þess hafi þeir öðlast getu til að lesa og greina rannsóknarniðurstöður og séu þar með vel undirbúnir fyrir frekara nám í félags- og hugvísindum. Félagsvísindabraut lýkur með stúdentsprófi sem veitir réttindi til háskólanáms. Brautin er góður undirbúningur fyrir nám í félags-og hugvísindum.

Markmið brautarinnar er að nemendur öðlist góða almenna þekkingu á sviði íþróttafræða, hafi fræðilega og verklega undirstöðuþekkingu í kennslu og þjálfun íþrótta fyrir börn og unglinga. Nemendur þekki grunn ýmissa íþróttagreina og geta miðlað honum áfram. Nemendur öðlist skilning á  þroskaferli barna og unglinga og fái tækifæri til að leiðbeina börnum og unglingum. Íþróttabraut lýkur með stúdentsprófi sem veitir réttindi til háskólanáms. Brautin er góður undirbúningur fyrir frekara nám í íþróttafræðum eða á heilbrigðissviði. 

Nám á félags- og hugvísindabraut veitir nemendum víðtæka almenna menntun og undirbýr þá fyrir háskólanám. Námið er skilgreint á þriðja hæfniþrepi og lýkur með stúdentsprófi. Áhersla er lögð á félagsvísindi, tungumál og hugvísindi. Námið hentar m.a. þeim sem hafa hug á að leggja stund á háskólanám á ofantöldum sviðum. Eins veitir námið ákjósanlegan undirbúning fyrir nám í menntavísindum, lögfræði og fleiri greinum sem krefjast færni í samskiptum. Nemendum gefst kostur á að styrkja grunn sinn í íslensku og erlendum tungumálum með því að velja þessar greinar á kjörsviði eða í vali.
 
Nýsköpunar- og frumkvöðlafræði liggur eins og rauður þráður í gegnum nám á félags- og hugvísindabraut. Nemendur kynnast hugmyndafræðinni frá ýmsum sjónarhornum í ólíkum námsáföngum jafnframt því sem útskriftarverkefni þeirra snýst að stórum hluta um nýsköpun.

Félags- og hugvísindabraut

Á náttúrufræðibraut öðlast nemendur haldgóða menntun í grunngreinum náttúruvísinda ásamt því að hljóta víðtæka almenna menntun. Námið er skilgreint á þriðja hæfniþrepi og lýkur með stúdentsprófi.
 
Sérstök rækt er lögð við að nemendur nái góðum tökum á stærðfræði. Er færni í stærðfræði m.a. þjálfuð með því að gefa nemendum kost á að tengja viðfangsefni náttúruvísinda við verkfæri stærðfræðinnar. Nemendum gefst einnig kostur á að styrkja grunn sinn í tungumálum og íslensku með því að velja þessar greinar á kjörsviði eða í frjálsu vali.
 
Nám á náttúrufræðibraut er ákjósanlegur undirbúningur fyrir ýmsar stærðfræðitengdar háskólagreinar. Má þar nefna verk- og tæknifræði, tölvunarfræði, landfræði, hagfræði og lyfjafræði auk hinna hefðbundnu raungreina. Lokaverkefni nemenda á náttúrufræðibraut snýst að miklu leyti um nýsköpun og frumkvöðlafræði. Auk þess kynnast nemendur þeirri hugmyndafræði víða í námi sínu á brautinni.

Opinni línu á stúdentsbraut er ætlað að veita nemendum breiða almenna menntun og möguleika á að sníða námið að markmiðum sínum til áframhaldandi náms. Brautinni er ætlað að veita aðgang að námi á háskólastigi skv. aðgangsviðmiðum námsleiða sem háskólastigið hefur gefið út. Það er í höndum nemanda að skipuleggja nám sitt í samræmi við frekari námsáætlanir.

Stúdentsbraut - opin lína

Nám á afreksíþróttabraut veitir nemendum víðtæka almenna menntun og tækifæri til að fá þá hæfni sem þeir öðlast við þjálfun á vegum félagsliðs metna. Áhersla er lögð á að nemendum gefist færi á að undirbúa sig undir krefjandi háskólanám.
 
Námið er skilgreint á þriðja hæfniþrepi og lýkur með stúdentsprófi. Nemendur velja milli sérhæfingar á þremur sviðum: Félags- og hugvísindasviði, náttúrufræðisviði eða viðskipta- og hagfræðisviði. Námið hentar m.a. þeim sem hafa hug á að leggja stund á háskólanám á ofantöldum sviðum.
 
Nemendur vinna lokaverkefni í nýsköpunar- og frumkvöðlafræði. Þeir kynnast hugmyndafræðinni frá ýmsum sjónarhornum í ólíkum námsáföngum auk þess sem þeir taka áfanga sem tileinkaðir eru greininni til undirbúnings lokaverkefninu.

Afreksíþróttabraut - bóknám

Markmið með námi á grunnmenntabrú er að vekja áhuga nemandans á námi í framhaldsskóla og styrkja námshæfni hans. Nemendur fá aðhald og stuðning í námi til að ná markmiðum sínum. Þegar nemendur hafa lokið áföngum á fyrsta hæfniþrepi í kjarnagreinum geta þeir innritast á aðrar námsbrautir skólans eða brautskráðst með framhaldsskólapróf að loknum að lágmarki 90 framhaldsskólaeiningum.

Nemandi með framhaldsskólapróf á 1. hæfniþrepi hefur unnið að því að öðlast hæfni í að tjá hugsanir sínar og tilfinningar í rökréttu samhengi, öðlast skýra sjálfsmynd  og gera sér grein fyrir hvernig hann getur hagnýtt sterkar hliðar sínar á skapandi hátt. Hann hefur unnið að því að taka ábyrga afstöðu til eigin velferðar, tileinka sér jákvætt viðhorf til náms og að verða virkur og ábyrgur borgari í lýðræðislegu nær- og fjærsamfélagi. Hann hefur einnig unnið að því að öðlast hæfni til að tengja þekkingu sína og leikni við daglegt líf, tækni og vísindi.

Framhaldsskólapróf á fyrsta þrepi

Nemandi með framhaldsskólapróf á 1. hæfniþrepi hefur unnið að því að öðlast hæfni í að tjá hugsanir sínar og tilfinningar í rökréttu samhengi, öðlast skýra sjálfsmynd  og gera sér grein fyrir hvernig hann getur hagnýtt sterkar hliðar sínar á skapandi hátt. Hann hefur unnið að því að taka ábyrga afstöðu til eigin velferðar, tileinka sér jákvætt viðhorf til náms og að verða virkur og ábyrgur borgari í lýðræðislegu nær- og fjærsamfélagi. Hann hefur einnig unnið að því að öðlast hæfni til að tengja þekkingu sína og leikni við daglegt líf, tækni og vísindi. 

framhaldsskólapróf (1. þrep)

Grunnmenntabrú

Félagsvísindabraut byggir á fjölbreyttu og góðu almennu námi, með lykiláherslu á félagsgreinar, s.s. félagsfræði, sögu, sálfræði og uppeldisfræði.  Markmiðið með náminu er að nemendur efli kunnáttu sína í félagsgreinum og geti hagnýtt sér gögn í þeim.
Brautin veitir góðan undirbúning undir háskólanám í félagsgreinum og skyldum námsleiðum á háskólastigi.


Raunvísindabraut byggir á fjölbreyttu og góðu almennu námi, með lykiláherslu á stærðfræði, raunvísindi, náttúrufræði og tæknigreinar, þannig að nemendur hafi góða undirstöðuþekkingu í þeim.  Markmið með náminu er að efla kunnáttu nemenda í náttúru- og stærðfræðigreinum.  Brautin veitir góðan undirbúning undir háskólanám í verkfræði, náttúru- og heilbrigðisvísindum og námsframboð tekur mið af aðgangsviðmiðum háskóla.

Raunvísindabraut

Félagsfræðabraut er ætlað að veita nemendum breiða og almenna menntun auk þess að búa þá undir nám á háskólastigi.  Einkum er lögð áhersla á að undirbúa nemendur fyrir nám í félagsvísindum og sögu.

Félagsfræðabraut

Opin braut byggir á fjölbreyttu og góðu almennu námi, með lykiláherslu á að nemandinn hanni það nám sem hentar hans markmiðum og skapi þannig sína eigin braut, í nánu samstarfi við náms- og starfsráðgjafa skólans.  Nám á opinni braut veitir góða kunnáttu í þeim fögum sem nemandinn velur og undirbýr hann undir það háskólanám sem hann stefnir á.

Félagsvísindabraut-afrekssvið, byggir á fjölbreyttu og góðu almennu námi, með lykiláherslu á félagsgreinar, s.s. félagsfræði, sögu, sálfræði og uppeldisfræði. Einnig er lykiláhersla á íþróttaástundun nemandans. Markmiðið með náminu er að nemendur auki kunnáttu sína í félagsgreinum og geti hagnýtt sér gögn í þeim.
Brautin veitir góðan undirbúning undir háskólanám í félagsgreinum og skyldum námsleiðum á háskólastigi, um leið og hún styður nemandann í ástundun afreksíþrótta.


Félagsvísindabraut - íþróttaafrekssvið

Raunvísindabraut - íþróttaafrekssvið byggir á fjölbreyttu og góðu almennu námi, með lykiláherslu á stærðfræði, raunvísindi, náttúrufræði og tæknigreinar, þannig að nemendur hafi góða undirstöðuþekkingu í þeim. Einnig er lykiláhersla á íþróttaástundun nemandans. Markmið með náminu er að auka kunnáttu nemenda í náttúru- og stærðfræðigreinum.  Brautin veitir góðan undirbúning undir háskólanám í verkfræði, náttúru- og heilbrigðisvísindum og námsframboð tekur mið af aðgangsviðmiðum háskóla, um leið og hún styður nemandann í ástundun afreksíþrótta.

Raunvísindabraut - íþróttaafrekssvið

Opin braut - íþróttaafrekssvið byggir á fjölbreyttu og góðu almennu námi, með lykiláherslu á íþróttaástundun nemandans og að nemandinn hanni það nám sem hentar hans markmiðum og skapi þannig sína eigin braut, í nánu samstarfi við náms- og starfsráðgjafa skólans. Nám á opinni braut veitir góða kunnáttu í þeim fögum sem nemandinn velur og undirbýr hann undir það háskólanám sem hann stefnir á, um leið og hún styður nemandann í ástundun afreksíþrótta.

Opin braut- íþróttaafrekssvið

Námi á framhaldsskólabrú er ætlað að búa nemendur sem ekki hafa náð tilskyldum árangri á grunnskólaprófi undir nám á verk-, bók- eða listnámsbrautum skólans. Námið er að lágmarki 100 framhaldsskólaeiningar og því lýkur með framhaldsskólaprófi. Gert er ráð fyrir að stór hluti nemenda á framhaldsskólabrú hefji nám á annarri námsbraut í framhaldi af eða samhliða námi á framhaldsskólabrú. Á brautinni er öflugt umsjónarkerfi, mikið samráð við forráðamenn og nemendur fá aðhald og stuðning í námi.

Framhaldsskólabrú

Á félagsvísindabraut er lögð áhersla á gott almennt nám og þó einkum góða þekkingu á sviði félagsgreina og sálfræði. Brautin er góður undirbúningur undir nám á háskólastigi í félagsgreinum og sálfræði.

Framhaldsskólanám

Sía leitarniðurstöður

Leitarniðurstöður

Tengt efni

Innritun

Næsta skref

Framhaldsskólanám

Framhaldsskólar (37)

Landssvæði (8)

Námsstig (4)

Sía leitarniðurstöður

Leitarniðurstöður

Tengt efni

Innritun

Næsta skref