Ferli innflutnings við atvinnurekstur
Þegar vara er flutt til landsins er að ýmsu að huga áður en hún fæst afhent hjá flutningsaðila og hægt er að taka hana í notkun eða selja til viðskiptavina.
Nákvæmar kröfur fara eftir tegund vörunnar, uppruna hennar og því hvort leyfi, vottorð eða takmarkanir gilda um innflutninginn.
Undirbúningur innflutnings
Tollflokkun
Finndu tollskrárnúmer vörunnar áður en þú pantar hana. Númerið segir til um hvaða gjöld þarf að greiða, hvort takmarkanir gildi um innflutning og hvort þörf sé á innflutningsleyfi.
Tryggja rétta flokkun
Til að tryggja rétta tollflokkun og koma í veg fyrir leiðréttingar eftirá er hægt að biðja um bindandi álit við tollflokkun.
Innflutningsgjöld
Vörur sem fluttar eru til Íslands eru að jafnaði gjaldskyldar. Gjöldin ráðast af tollflokkun vörunnar og uppruna hennar.
Tímabundinn innflutningur
Ef vörurnar eru aðeins á landinu í skamman tíma er mögulegt að komast hjá greiðslu innflutningsgjalda.
Ef þú flytur inn drykkjarvörur í einnota umbúðum þarf að greiða skilagjald og gera skilagjaldaskýrslu.
Ekki er notað EORI númer við tollafgreiðslu á Íslandi.
Leyfisskyldar vörur
Tollflokkun vörunnar ræður því hvort þú þarft leyfi og hjá hvaða yfirvöldum þú sækir um það. Leyfi þarf til dæmis fyrir innflutning á lifandi dýrum, matvælum, plöntum og framandi lífverum.
Viðskiptabann og þvingunaraðgerðir
Í sumum tilfellum geta alþjóðleg viðskiptabönn eða þvingunaraðgerðir haft áhrif á það við hverja má eiga í viðskiptum við og hvert má senda vörur. Þar sem reglur um þetta breytast hratt er mikilvægt að kynna sér gildandi takmarkanir.
Tollmiðlarar eru sérfræðingar sem sjá um að auðvelda og stjórna tollafgreiðslu við inn- og útflutning vara milli landa. Þeir eru milliliðir milli viðskiptavina sinna og tollyfirvalda. Sjá lista yfir viðurkennda tollmiðlara.
Tollskýrsla
Fyrirtæki sem flytja inn vörur þurfa að skila tollskýrslu til Skattsins. Leiðbeiningar um skil á tollskýrslu og leiðir til að koma í veg fyrir tafir á afgreiðslu.
Skila rafrænt
Ef fyrirtækið þitt flytur reglulega vörur til Íslands án tollmiðlara ættir þú að sækja um leyfi til að skila rafrænt til að auðvelda innflutning.
Vara kemur til Íslands
Þegar vara er komin til landsins fer hún í geymslu hjá farmflytjanda þangað til tollafgreiðsla hefur farið fram.
Afgreiðsla tollskýrslu tekur oftast um 3 virka daga, en getur í einhverjum tilfellum tekið lengri tíma.
Helstu ástæður fyrir töf:
tollskýrsla er rangt útfyllt eða gögn ekki fullnægjandi
vöruskoðun tollgæslu
Hafðu samband við tollmiðlara eða skoðaðu Tollalínu fyrir frekari upplýsingar um sendinguna þína.
Tolleftirlit
Nánari upplýsingar um tolleftirlit:
Flýtiafgreiðsla
Í neyðartilvikum, til dæmis við innflutning á lifandi dýrum, ferskum fiski og grænmeti, hráefni til iðnaðarframleiðslu eða vélavarahlutum í atvinnutæki, geta tollyfirvöld heimilað afhendingu vöru án hefðbundinnar tollafgreiðslu.
Slík neyðarafgreiðsla á hins vegar ekki við um almenna verslunarvöru.
Þegar tollagreiðslu er lokið eru gjöldin skuldfærð.
Þegar tollafgreiðslu er lokið sendir Skatturinn þér heimild til að sækja vöruna. Farmflytjandi fær líka tilkynningu um að hann megi afhenda þér hana.
Þú færð yfirleitt nokkra gjaldfrjálsa daga til að sækja. Eftir það leggst daglegt geymslugjald á vöruna. Hafðu samband við farmflytjanda varðandi álögð gjöld.
Ef tafir verða
Ef þú getur ekki sótt vöruna á réttum tíma skaltu hafa samband við flutningsaðila eða vöruhús. Stundum er hægt að fá frest.
Ef varan er ekki sótt
Ef varan er ekki sótt innan lengri tíma getur vöruhús eða flutningsaðili:
selt vöruna til að greiða kostnað
endursent vöruna
fargað henni ef hún hefur lítið virði
Óska eftir leiðréttingu
Ef þú tekur eftir villu í tollskýrslu getur þú óskað eftir leiðréttingu með því að leggja fram beiðni.
Leiðrétting að frumkvæði Skattsins
Skatturinn getur endurákvarðað aðflutningsgjöld ef upplýsingar við tollafgreiðslu reynast rangar eða ófullnægjandi, til dæmis vegna rangrar tollflokkunar. Ef það gerist færð þú formlega tilkynningu.
Þjónustuaðili
Skatturinn