Þú getur beðið um staðfestingu á tollflokkun vöru áður en hún er flutt inn. Þannig tryggir þú að tollflokkun vörunar er rétt.
Bindandi álit þýðir að tollyfirvöld geta ekki endurákvarðað aðflutningsgjöld vegna þeirra vöru sem álitið varðar. Bæði innflytjandi og Skatturinn eru bundin niðurstöðunni.
Svona er ferlið
Sendu beiðni til Skattsins
Beiðnina þarf að senda í tölvupósti á upplysingar@skatturinn.is. Lýstu vörunni og ósk um bindandi tollflokkun.
Leggðu fram gögn um vöruna
Beiðninni þurfa að fylgja þær upplýsingar sem nauðsynelegar eru til að ákvarða tollflokkun. Því nákvæmari sem gögnin eru, því fyrr færð þú svar.
Skatturinn svarar innan 30 daga
Beiðni þinni verður svarað skriflega innan 30 daga frá því hún barst eða gagnaöflun lauk.
Dæmi um gögn
Dæmi um gögn sem nýtast við tollflokkun:
Teikning eða mynd af vörunni
Vörulýsing eða bæklingur
Sýnishorn af vörunni
Ef þú ert í vafa um rétta tollflokkun áður en þú sendir beiðni, getur þú haft samband við Skattinn og fengið leiðbeiningar.
Þjónustuaðili
Skatturinn