Sækja um heimild til að skila tollskýrslu og öðrum upplýsingum rafrænt

Með VEF-tollafgreiðslu geta fyrirtæki og einstaklingar sem stunda innflutning í atvinnuskyni framkvæmt rafræna tollafgreiðslu á vefnum. Hægt er að skila aðflutningsskýrslum, fá yfirlit yfir skil, og sækja kvittanir fyrir aðflutningsgjöldum.

Umsókn

Fyrirtæki sækja um aðgang með eyðublaðinu TS-E19. Umsókninni er skilað til Skattsins.

Innskráning

Starfsmenn sem framkvæma VEF-tollafgreiðslu í umboði fyrirtækis þurfa að nota rafræn skilríki til auðkenningar í gegnum Ísland.is.

Umboð

Umboð er veitt í gegnum umboðskerfi Ísland.is á Mínum síðum:

• Skráðu þig inn með persónulegum rafrænum skilríkjum

• Skiptir um notanda (smellir á nafnið efst til hægri → Skipta um notanda) og velur fyrirtækið

• Velur Aðgangsstýring á forsíðu eða undir Yfirlit

• Smellir á Skrá nýtt umboð, skráir kennitölu þess sem á að fá réttindi, velur Skatturinn undir Aðgangsstýring

• Smellir á Velja réttindi, skráir gildistíma og hakar við Tollalínu og/eða veftollafgreiðslu

• Smellir á Skrá nýtt umboð og staðfestir

VEF-tollafgreiðsla við útflutning fer fram í gegnum vefþjóninn vefskil.tollur.is. Útflytjandi sendir útflutningsskýrslu rafrænt og fær útflutningsheimild og kvittun til baka.

Umsókn

Fyrirtæki sækja um aðgang með eyðublaðinu TS-E19. Umsókninni er skilað til Skattsins.

Innskráning

Til að tengjast VEF-skilum Tollstjóra (VEF-tollafgreiðslu við útflutning) þarf starfsmaður fyrirtækis að vera með viðurkennd rafræn skilríki:

• Starfsskilríki frá Auðkenni (fyrirtækjaskilríki)

• Einkaskilríki frá Auðkenni (einstaklingsskilríki)

Umboð

Breytingar á umboði starfsmanna til að framkvæma VEF-tollafgreiðslu skal tilkynna Skattinum með sérstöku eyðublaði:

Þetta á bæði við þegar nýir starfsmenn eru fengnir til þeirra starfa og þegar starfsmenn hætta.

Við SMT-tollafgreiðslu eru tollskýrslur sendar úr viðskiptahugbúnaði eða tollskýrslugerðarhugbúnaði fyrirtækis til Skattsins með SMT-skeytum (Skeyti Milli Tölva) og lesnar sjálfvirkt inn í Tollakerfið. Þetta hentar fyrirtækjum sem vilja fullsjálfvirka samþættingu við eigin kerfi.

Umsókn

Sótt er um með eyðublaðinu TS-E19.

Ef fyrirtæki fullnægir þeim kröfum sem settar eru er heimild til SMT-tollafgreiðslu veitt með bréfi frá Skattinum. Eftir samþykki fer fram prófun á SMT-skeytasendingum milli fyrirtækisins og umsjónarmanna tölvukerfis tollafgreiðslu hjá Skattinum áður en raunveruleg tollafgreiðsla hefst.

Innskráning

SMT-tollafgreiðsla fer fram með sjálfvirkum skeytasendingum milli tölva – engin handvirk innskráning á vef.

Umboð

Breytingar á umboði starfsmanna til að framkvæma SMT-tollafgreiðslu skal tilkynna Skattinum með sérstöku eyðublaði:

Þetta á bæði við þegar nýir starfsmenn eru fengnir til þeirra starfa og þegar starfsmenn hætta eða þurfa ekki lengur aðgang.

Farmvernd er kerfi sem Skatturinn rekur til að tryggja öryggi farms í siglingum, í samræmi við alþjóðlegar kröfur (SOLAS og ISPS). Farmverndarfulltrúar skrá farmverndaryfirlystar rafrænt. Vefsvæðið er: farmvernd.tollur.is.

Umsókn

Sótt er um aðgang beint á vefsvæðinu:

Innskráning

Á upphafssíðu farmverndar eru tvær leiðir til innskráningar:

• Smella á Innskráning í valrönd, eða

• Smella á láshnappinn uppi til hægri

Skatturinn nýtir innskráningarþjónustu Ísland.is. Þjónustan styður:

• Rafræn skilríki í síma

• Rafræn skilríki á korti

Skatturinn mælir með rafrænum skilríkjum sem öruggasta leiðinni.

VEF-farmskrárskil er vefviðmót sem Skatturinn býður farmflytjendum. Þar skrá farmflytjendur upplýsingar um komur og brottfarir flutningsfara til og frá landinu, sem og upplýsingar um farmskrár, og senda þær rafrænt til embættisins.

Umsókn

Sótt er um heimild með sérstöku eyðublaði:

Innskráning

• Til að tengjast kerfinu þarf rafræn skilríki á korti (skilríki frá Auðkenni)

• Ekki er hægt að nota skilríki á síma til að tengjast kerfinu

• Kerfið er hýst á vefskil.tollur.is.

Umboð

Breytingar á umboði starfsmanna eru tilkynntar með eyðublaðinu: