Ekki er sótt sérstaklega um hlutaörorkulífeyri. Sótt er um örorkulífeyri og örorka er metin út frá samþættu sérfræðimati. Niðurstaða matsins mun þá ákvarða um greiðslurétt. Ef geta til virkni á vinnumarkaði er metin 0 – 25% skapast réttur til örorkulífeyris, en ef geta til virkni á vinnumarkaði er metin 26 – 50% skapast réttur til hlutaörorkulífeyris. 

Ef þú ert nú þegar með mat örorkulífeyris en vilt skoða það að færast yfir á hlutaörorkulífeyri þá getur þú sótt um yfirfærslu á Mínum síðum TR en endilega notaðu reiknivél TR til að skoða mögulegar greiðslur hlutaörorku í samræmi við þínar forsendur áður en þú sækir um.