Hreyfing - ráðleggingar embættis landlæknis

Hreyfing er börnum og ungmennum nauðsynleg fyrir eðlilegan vöxt, þroska og almenna vellíðan. Jákvæð reynsla af hreyfingu í æsku eykur líkurnar á að fólk temji sér lifnaðarhætti sem fela í sér reglubundna hreyfingu á fullorðinsárum.

Takmarka ætti þann tíma sem varið er í kyrrsetu. Það hefur jákvæð áhrif á heilsu og líðan að skipta út tíma í kyrrsetu fyrir hreyfingu af hvaða ákefð sem er, þar með talið lítilli ákefð.

• Öll börn og ungmenni ættu að hreyfa sig daglega

• Í minnst 60 mínútur á dag að meðaltali ætti hreyfing að vera röskleg til kröftug

• Minnst 3 daga vikunnar ætti að stunda kröftuga hreyfingu sem eykur þol og styrkir vöðva og bein

Fötluð börn og ungmenni eru fjölbreyttur hópur með ólíka færni. Með reglulegri hreyfingu við hæfi má efla hreyfi- og félagsþroska og auka færni og lífsgæði. Öll hreyfing hefur jákvæð áhrif á heilsu og líðan jafnvel þó ekki náist að uppfylla ráðleggingarnar.

Takmarka ætti þann tíma sem varið er í kyrrsetu. Það hefur jákvæð áhrif á heilsu og líðan að skipta út tíma í kyrrsetu fyrir hreyfingu af hvaða ákefð sem er, þar með talið lítilli ákefð.

• Öll börn með langvarandi andlega eða líkamlega skerðingu eða skerta skynjun ættu að hreyfa sig reglulega

• Í minnst 60 mínútur á dag að meðaltali ætti hreyfingin að vera röskleg til kröftug

• Minnst 3 daga vikunnar ætti að stunda kröftuga hreyfingu sem eykur þol og styrkir vöðva og bein

Hreyfing gegnir lykilhlutverki í að viðhalda og bæta heilsu og líðan fullorðinna. Auk þess að hafa jákvæð áhrif á andlega og félagslega heilsu, stuðlar hreyfing að betri líkamlegri heilsu og minnkar hættu á sjúkdómum, s.s. kransæðasjúkdómum, sykursýki 2, heilabilun og sumum krabbameinum.

Takmarka ætti þann tíma sem varið er í kyrrsetu. Það hefur jákvæð áhrif á heilsu og líðan að skipta út tíma í kyrrsetu fyrir hreyfingu af hvaða ákefð sem er, þar með talið lítilli ákefð.

• Öll fullorðin ættu að hreyfa sig reglulega

• Í hverri viku ætti að hreyfa sig rösklega í minnst 150 mínútur

• Minnst 2 daga vikunnar ætti að stunda hreyfingu sem styrkir vöðva

Fullorðnir með fötlun er breiður hópur fólks á mismunandi aldri og með ólíka færni. Með reglulegri hreyfingu við hæfi má efla almenna færni í daglegu lífi og auka lífsgæði.

Takmarka ætti þann tíma sem varið er í kyrrsetu. Það hefur jákvæð áhrif á heilsu og líðan að skipta út tíma í kyrrsetu fyrir hreyfingu af hvaða ákefð sem er, þar með talið lítilli ákefð.

• Öll fullorðin með langvarandi andlega og líkamlega skerðingu eða skerta skynjun ættu að hreyfa sig reglulega

• Í hverri viku ætti að hreyfa sig rösklega í minnst 150 mínútur

• Minnst 2 daga vikunnar ætti að stunda hreyfingu sem styrkir vöðva, bætir jafnvægi og eykur hreyfigetu

Eldra fólk er breiður hópur hvað varðar aldur og færni. Með reglulegri hreyfingu við hæfi má hægja á áhrifum og einkennum öldrunar og viðhalda getunni til að lifa lengur sjálfstæðu lífi.

Takmarka ætti þann tíma sem varið er í kyrrsetu. Það hefur jákvæð áhrif á heilsu og líðan að skipta út tíma í kyrrsetu fyrir hreyfingu af hvaða ákefð sem er, þar með talið lítilli ákefð.

• Allt eldra fólk ætti að hreyfa sig reglulega

• Í hverri viku ætti að hreyfa sig rösklega í minnst 150 mínútur

• Minnst 2-3 daga vikunnar ætti að stunda hreyfingu sem styrkir vöðva, bætir jafnvægi og eykur hreyfigetu

Hreyfing á meðgöngu og eftir fæðingu hefur jákvæð áhrif á heilsu móður og barns.

Á meðgöngu og eftir fæðingu ætti eftir bestu getu að takmarka þann tíma sem varið er í kyrrsetu. Það hefur jákvæð áhrif á heilsuna að skipta út tíma í kyrrsetu fyrir hreyfingu af hvaða ákefð sem er, þar með talið lítilli ákefð.

• Án frábendinga ætti að stunda reglulega hreyfingu á meðgöngu og eftir fæðingu

• Í hverri viku ætti að hreyfa sig rösklega í minnst 150 mínútur

• Stunda ætti fjölbreytta hreyfingu sem viðheldur líkamshreysti, þoli og vöðvastyrk