Opnunartími

Móttakan er opin mánudaga – fimmtudaga kl. 10:00–16:00 og föstudaga kl. 10:00-12:00.

Skiptiborðið er opið sömu daga kl. 10:00–12:00 og 13:00–16:00, nema föstudaga en þá er opið frá kl. 10:00-12:00.

Heimilisfang

Embætti landlæknis er á 6. hæð í Turninum Höfðatorgi, við Katrínartún 2. Sjá staðsetningu á korti.

Bílakjallari er undir húsinu, fyrir starfsmenn og gesti en einnig eru bílastæði í nágrenninu, t.d. við Höfða. Ef lagt er í bílakjallara er gott að hafa til viðmiðunar að Katrínartún 2 er gult hús. Gera þarf ráð fyrir að á álagstímum geti tekið nokkurn tíma að finna bílastæði.

Gestir, sem koma til fundar við starfsmenn embættis landlæknis, skrá sig inn þegar komið er á 6. hæð og tilgreina þann starfsmann sem bauð til fundar. Þá prentast út límmiði sem gestir bera á sér meðan á fundi stendur og starfsmaðurinn fær tölvupóst um að gesturinn sé kominn.

Vistvænar samgöngur

Embætti landlæknis hvetur öll til að nýta sér umhverfisvænar samgöngur. Góðir göngu- og hjólastígar eru í grennd við embættið í Katrínartúni 2 ásamt góðri aðstöðu til að geyma hjól, bæði fyrir framan og aftan við húsnæðið.

Auðvelt er að taka Strætó í Katrínartún þar sem nokkrar leiðir Strætó eru með stoppistöðvar í grennd við embættið. Á þessu yfirlitskorti Strætó má finna þá leið sem hentar best til að taka Strætó og þar má einnig finna aðgengilegar rafskútur sem hægt er að taka til leigu.