A1-vottorð er sönnun þess að þú fallir undir tryggingalöggjöf þess lands sem gefur það út. Ef þú ert með gilt A1-vottorð þarftu því ekki að greiða tryggingagjald í öðru EES-landi.

Vottorðið er gefið út fyrir ákveðið starfstímabil og kemur það tímabil skýrt fram á vottorðinu.

Ef þú ætlar að starfa tímabundið erlendis innan Evrópska efnahagssvæðisins (EES) er mikilvægt að sækja um A1-vottorð til að tryggja að þú haldir áfram að vera tryggður í heimalandi þínu.

Sækja þarf um A1-vottorð þegar:

• Launþegi eða sjálfstætt starfandi einstaklingur starfar í öðru eða fleiri en einu EES-landi og vill halda áfram að falla undir íslenska almannatryggingalöggjöf.

A1-vottorð er einungis gefið út á einstaklinga — annaðhvort launþega eða sjálfstætt starfandi.

Ef dvölin erlendis er mjög skammvinn, getur hins vegar verið nægilegt að hafa meðferðis Evrópska sjúkratryggingakortið, sem sækja má hjá Sjúkratryggingum Íslands.