Lögheimili barns

Foreldrar með sameiginlega forsjá geta óskað eftir því að flytja lögheimili barna sinna á milli foreldra og færa um leið meðlagsgreiðslur með barninu/börnunum til nýs lögheimilisforeldris.

Ef samkomulag er um flutning og meðlag er hægt að sækja samning hér að ofan sem foreldrar þurfa báðir að undirrita. Að því loknu er hægt að send samninginn í staðfestingarferli hjá sýslumanni. Staðfesti sýslumaður samninginn er staðfestingin send í pósthólf beggja foreldra á Island.is.

Samningur um lögheimili getur verið varanlegur (til 18 ára aldurs barns) eða tímabundinn, þó ekki til skemmri tíma en 6 mánaða. Að tímabili loknu skal færa lögheimili barns/barna til fyrra horfs. Tilkynna þarf Þjóðskrá um flutning lögheimilis barns til fyrra horfs. Nægilegt er að það foreldri sem barn á að flytjast til á ný undirriti slíka flutningstilkynningu til Þjóðskrár.