Forsjá barns

Með forsjá er lögð áhersla á umönnunar- og verndarþátt foreldraskyldna. Forsjá felur bæði í sér rétt og skyldu fyrir foreldri til að ráða persónulegum högum barns og barn á rétt á forsjá foreldra sinna, annars eða beggja.

Forsjá getur verið sameiginleg eða í höndum annars foreldra. Foreldrar sem eignast börn í hjónabandi eða skráðri sambúð fara sameiginlega með forsjá barna sinna. 

Fæðist barn utan hjúskapar eða skráðrar sambúðar fer móðir ein með forsjá þess.

Samvinna eftir skilnað

Vakin er athygli á þjónustu SES, samvinna eftir skilnað barnanna vegna, sjá vefsíðuna www.samvinnaeftirskilnad.is. Um er að ræða námskeið fyrir foreldra og börn á vefsíðunni og einnig sérhæfða ráðgjöf af hálfu sveitarfélaga, m.a. vegna forsjár og umgengni.