Forsjá barns
Við skilnað og sambúðarslit
Til þess að sýslumaður geti gefið út skilnaðarleyfi eða staðfestingu vegna sambúðarslita, þurfa foreldrar meðal annars að ákveða hvernig forsjá barna þeirra skuli háttað.
Samkomulag um forsjá
Liggi fyrir samkomulag foreldra um forsjá og aðra þætti sem semja þarf um við skilnað og sambúðarslit, gefur sýslumaður út leyfi til skilnaðar eða staðfestir samkomulag foreldra um forsjá, lögheimili og meðlag vegna sambúðarslita.
Ágreiningur um forsjá
Komi upp ágreiningur um forsjá barna við skilnað eða sambúðarslit vísar sýslumaður málinu til sáttameðferðar sem stýrt er af sáttamanni.
Reynist sáttameðferð árangurslaus er gefið út sáttavottorð en foreldri getur leitað til dómsstóla til að höfða forsjármál og eftir atvikum skilnaðarmál, innan 6 mánaða frá útgáfu sáttavottorðsins.
Þjónustuaðili
Sýslumenn