Heimilisuppbót fyrir lífeyris- og greiðsluþega sem búa einir

Þegar þú sækir um greiðslur frá TR er mögulegt að sækja um heimilisuppbót í leiðinni. Hún er hluti af umsóknarferlinu og er afgreidd á sama tíma og þú færð aðrar greiðslur.

Hins vegar getur réttur á heimilisuppbót skapast eftir að greiðslur hefjast. Þá er hægt að fylla út sér umsókn um heimilisuppbót á Mínum síðum.

Svona sækir þú um

Athugaðu að skrá frá hvaða tíma sótt er um.

Afturvirkni umsókna

Heimilisuppbót er greidd frá fyrsta degi næsta mánaðar eftir að skilyrði eru uppfyllt. Hægt er að sækja um allt að tvö ár afturvirkt.

Staða umsóknar

Þú getur fylgst með stöðu umsóknar á Mínum síðum TR. Ef það vantar gögn færðu tölvupóst og tilkynningu á Mínum síðum undir Mín skjöl.

Niðurstaða

Þegar niðurstaða liggur fyrir færðu tölvupóst og tilkynningu á Mínum síðum TR undir Mín skjöl.

Þar getur þú einnig séð upphæðir út árið í greiðsluáætlun.

Ef þú ert ósammála ákvörðuninni getur þú:

• óskað eftir rökstuðningi á Mínum síðum TR,

• sent erindi til umboðsmanns viðskiptavina TR, 

• eða kært úrskurðinn til úrskurðarnefndar velferðarmála.

Greiðslur heimilisuppbótar

Heimilisuppbót er fyrirframgreidd fyrsta dag hvers mánaðar með öðrum lífeyrisgreiðslum.

Ef greiðslur eru samþykktar afturvirkt er inneign greidd út eins fljótt og auðið er á þann bankareikning sem skráður er á Mínar síður.