Snemmtaka ellilífeyris vegna sjómennsku

Hafir þú stundað sjómennsku gætir þú átt rétt á að taka snemma út ellilífeyri almannatrygginga eða frá 60 ára aldri. Við 67 ára aldur breytist lífeyrinn í venjulegar ellilífeyrisgreiðslur. Nauðsynlegt er að sækja um möguleg réttindi í lífeyrissjóðum áður en sótt er um hjá TR.

Réttur til ellilífeyris

Þú getur átt rétt á snemmtöku ellilífeyris vegna sjómennsku ef:

• þú hefur stundað sjómennsku á lögskráðu íslensku skipi eða skipi gert út af íslenskum aðilum í 25 ár eða lengur,

• fjöldi lögskráðra daga á sjó er að lágmarki 180 dagar að meðaltali á ári á 25 ára tímabili.

Fjárhæðir ellilífeyris

Fullur ellilífeyrir fyrir skatt er:

• 365.592 krónur á mánuði, eða

• 4.387.104 krónur á ári.

Þú getur líka átt rétt á heimilisuppbót og öðrum greiðslum, svo sem barnalífeyri eða bifreiðastyrk.

Aldursviðbót ellilífeyris

Aldursviðbót ellilífeyris tók gildi 1. janúar 2026.

Aldursviðbót ellilífeyris er greidd þeim sem áttu fyrst rétt á örorku- eða endurhæfingarlífeyri á aldrinum 18-43 ára og áttu rétt á aldursviðbót örorkulífeyris við ellilífeyrisaldur.

Aldursviðbót ellilífeyris er tekjutengd. Samanlögð fjárhæð ellilífeyris og aldursviðbótar lækkar um 45% af tekjum umfram frítekjumörk, þar til greiðslur falla niður.

Aldursviðbót ellilífeyris getur verið að hámarki 32.917 krónur hjá einstaklingum sem fengu sitt fyrsta örorkumat á aldrinum 18 – 24 ára. Fjárhæðin lækkar um 5% frá og með 25 ára aldri fram að 44 ára aldri. Hún er ekki greidd þeim sem fá fyrsta örorkumat eftir 43 ára aldur.

Tekjuáætlun

Upphæð ellilífeyris er tengd tekjum. Frítekjumörk ráða hversu mikið ellilífeyrir lækkar í hlutfalli við aðrar tekjur. Því er mikilvægt að tekjuáætlun þín sé alltaf rétt.

Þú getur breytt tekjuáætlun á Mínum síðum Tryggingastofnunar.

Umsóknarferli

Fylgigögn

Nauðsynlegt er að sækja um lífeyrisgreiðslur frá öllum lífeyrissjóðum sem þú átt mögulega rétt á greiðslum úr, ef það hefur ekki verið gert er ekki hægt að taka umsókn þína til afgreiðslu.

Skila þarf staðfestingu á fjölda daga sem þú hefur verið lögskráð/ur á sjó, til dæmis með eftirfarandi gögnum:

• yfirlit af stöðuskráningu sjómanns frá Samgöngustofu,

• sjóferðabækur sem gefnar voru út af Siglingastofnun Íslands,

• skattframtöl,

• siglingavottorð frá sýslumanni.

Auk þess þarftu:

• að gera áætlun um tekjur þínar í framtíðinni,

• upplýsingar um nýtingu persónuafsláttar.

Svona sækir þú um

Einnig er hægt að sækja um:

• í þjónustumiðstöð Tryggingastofnunar

• hjá umboðsmönnum, sem eru staðsettir hjá sýslumönnum utan höfuðborgarsvæðisins.

Niðurstaða

Þegar niðurstaða liggur fyrir færðu tölvupóst og tilkynningu á Mínum síðum TR undir Mín skjöl.

Þar getur þú einnig séð upphæðir út árið í greiðsluáætlun.

Ef þú ert ósammála ákvörðuninni getur þú:

• óskað eftir rökstuðningi á Mínum síðum TR,

• sent erindi til umboðsmanns viðskiptavina TR,

• eða kært úrskurðinn til úrskurðarnefndar velferðarmála.

Fyrirkomulag greiðslna

Ellilífeyrir er fyrirframgreiddur fyrsta dag hvers mánaðar og þú færð upphæðina inn á bankareikninginn þinn sem gefinn er upp á Mínum síðum.

Hægt er að fá eina greiðslu á ári ef inneign er til staðar að loknu uppgjöri Tryggingastofnunar.

Kosturinn við að fá greitt einu sinni á ári á grundvelli skattframtals er að þú færð nákvæmlega það sem þú átt rétt á. Þá er engin hætta á að fá kröfu við uppgjör vegna ofgreiddra greiðslna.