Bifreiðastyrkir fyrir hreyfihamlað fólk, blinda og lífeyrisþega

Fólk með hreyfihömlun sem þarf bíl til að stunda vinnu, skóla, reglubundna endurhæfingu eða sækja heilbrigðisþjónustu getur sótt um styrki og uppbætur til að kaupa eða reka bíl.

Í stuttu máli

Hreyfihamlað fólk og foreldrar hreyfihamlaðra barna geta átt rétt á:

• uppbót vegna reksturs bifreiðar,

• uppbót vegna kaupa á bíl,

• styrk til að kaupa bíl sem þarfnast ekki stórra breytinga,

• styrk til að kaupa sérútbúinn bíl vegna mikillar fötlunar,

• lán til að kaupa bíl.

Einnig er hægt að sækja um greiðsluþátttöku Sjúkratrygginga vegna hjálpartækja í bílum.

Sótt er um niðurfellingu bifreiðagjalda hjá Skattinum.

Niðurstaða

Þegar niðurstaða umsóknar liggur fyrir færðu tölvupóst og tilkynningu á Mínar síður TR undir Mín skjöl. Þar getur þú einnig séð upphæðir út árið í greiðsluáætlun. Ef þú ert ósammála ákvörðuninni getur þú:

• óskað eftir rökstuðningi á Mínum síðum TR

• sent erindi til umboðsmanns viðskiptavina TR 

• eða kært úrskurðinn til úrskurðarnefndar velferðarmála.

Fyrirkomulag greiðslna

Þegar umsókn er samþykkt og búið er að skila inn kaupsamningi eða reikningi fyrir bílakaupunum er greitt út eins fljótt og auðið er á þann bankareikning sem skráður er á Mínar síður.