Uppbót á lífeyri

Uppbót á lífeyri er mánaðarleg upphæð sem bætist við örorku- og ellilífeyrisgreiðslur eða sjúkra- og endurhæfingargreiðslur ef réttur er til staðar.

Tekjuhámark

Uppfylla þarf skilyrði um hámarks tekjur til að eiga rétt á uppbót á lífeyri.

Þú mátt að hámarki vera með:

• 327.004 krónur á mánuði í heildartekjur með tekjum frá TR,

• 3.924.048 krónur í peningum eða verðbréfum.

Fjármagnstekjur eru sameign hjóna og sambýlisfólks. Þú skráir heildar upphæð ykkar beggja fyrir skatt í tekjuáætlun. Aðeins helmingur er tekinn með í útreikning.

Uppbótinni er ætlað að mæta kostnaði vegna:

• lyfja,

• umönnunar,

• kaupa á heyrnartækjum,

• húsaleigu sem fellur utan húsaleigubóta,

• dvalar á sambýli eða áfangaheimili,

• rafmagns vegna notkunar á súrefnissíu.

Fjárhæð

Fjárhæðir uppbóta á lífeyri eru ekki fastar upphæðir en þær miðast við útlagðan kostnað umsækjanda og heildartekjur viðkomandi.

Niðurstaða

Þegar niðurstaða umsóknar liggur fyrir færðu tölvupóst og tilkynningu á Mínar síður TR undir Mín skjöl.

Þar getur þú einnig séð upphæðir út árið í greiðsluáætlun.

Ef þú ert ósammála ákvörðuninni getur þú:

• óskað eftir rökstuðningi á Mínum síðum TR,

• sent erindi til umboðsmanns viðskiptavina TR,

• kært úrskurðinn til úrskurðarnefndar velferðarmála.

Greiðslur uppbótar á lífeyri

Uppbót á lífeyri er fyrirframgreidd fyrsta dag hvers mánaðar með öðrum lífeyrisgreiðslum.

Ef greiðslur eru samþykktar afturvirkt er inneign greidd út eins fljótt og auðið er á þann bankareikning sem skráður er á Mínar síður.

Greiðslur falla niður

Uppbót á lífeyri fellur niður vegna:

• flutnings úr landi,

• vegna flutnings lögheimilis (á við um uppbætur vegna dvalar á sambýli, áfangaheimili eða húsaleigu),

• þegar lífeyrisgreiðslur stöðvast vegna dvalar á stofnun eða andláts.