Kæruleiðir vegna úrskurða Tryggingastofnunar

Ef þú ert ósammála niðurstöðu, meðferð eða úrlausn umsókna eða beiðna þinna til Tryggingastofnunar getur þú:

• óskað eftir rökstuðningi frá TR með því að hafa samband í gegnum Mínar síður TR,

• sent erindi til umboðsmanns viðskiptavina hjá Tryggingastofnun,

eða

• kært til úrskurðarnefndar velferðarmála.

Senda erindi til umboðsmanns

Umboðsmaður veitir leiðbeiningar  um meðferð mála hjá Tryggingastofnun og aðstoðar þau sem telja sig ekki hafa fengið efnislega umfjöllun eða úrlausnir í samræmi við gildandi lög og reglur.

Netfang umboðsmanns er umbodsmadur@tr.is

Þangað sendir þú:

• lýsingu á málinu,

• hvaða úrbóta eða breytinga er óskað varðandi meðferð eða úrlausn málsins.

Umboðsmaður tekur mál ekki fyrir ef það:

• er í vinnslu innan TR,

• er til meðferðar hjá kæruferli hjá úrskurðarnefnd velferðarmála, Umboðsmanni Alþingis eða hjá dómstólum og niðurstaða liggur ekki fyrir

• eru meira en tvö ár liðin frá niðurstöðu málisins hjá TR

Kæra til úrskurðarnefndar velferðarmála

Úrskurðarnefnd velferðarmála er stjórnsýslunefnd sem úrskurðar í kærumálum velferðarmála. Nefndin er sjálfstæð og óháð í störfum sínum og heyrir undir félags- og vinnumarkaðsráðuneyti.

Kæruferli

Til að kæra ákvörðun TR til úrskurðarnefndar velferðarmála þarft þú:

• að kæra innan þriggja mánaða frá því að þér var tilkynnt ákvörðun TR

• afrit af bréfinu með niðurstöðu TR, hægt er að nálgast það undir Mín skjöl á Mínum síðum

Hægt er að óska eftir rökstuðningi TR fyrir ákvörðuninni til að hafa með í kærugögnum, en það er ekki krafa.

Nánari upplýsingar má finna á vef úrskurðarnefndarinnar.