Samanlagðar eignir allra á heimilinu (18 ára og eldri) verða að vera undir skerðingarmörkum. Eignir eru til dæmis innistæður á bankareikning, bílar, hjólhýsi, mótorhjól, fasteignir og hlutabréfaeign.

Miðað er við nettóeign (eignir mínus skuldir) samkvæmt skattframtali.

• Ef eignir eru lægri en neðri mörk fást óskertar bætur.

• Ef eignir eru hærri en efri mörk þá er enginn réttur til bóta.

Ef eignir eru á milli neðri og efri marka eru bætur skertar hlutfallslega af upphæðinni sem fer yfir neðri mörkin.
Reiknivél húsnæðisbóta og upplýsingar um tekju-og eignamörk.

Ef eignastaða umsækjanda og heimilismanna hefur breyst verulega frá síðasta framtali er ráðlagt að senda inn erindi þess efnis á hms@hms.is eða í gegnum fyrirspurnir á Mínar síður HMS ásamt gögnum sem sýna fram á að eignastaða sé breytt og þá er hægt að endurskoða útreikning.