Ástæðu synjunar má finna í bréfi í rafrænum skjölum á Mínum síðum HMS.
Ef umsækjandi telur forsendur hafa breyst frá synjun, þá þarf að senda inn nýja umsókn.
Ef umsóknin uppfyllir ekki skilyrði eða ef umsækjandi bregst ekki við innan uppgefins frests, er litið svo á að réttur sé ekki til staðar og umsókn því synjað.

Umsækjandi getur óskað eftir endurupptöku ef hann telur að nýjar upplýsingar og/eða gögn séu til staðar sem sýni fram á að ákvörðun hafi byggst á ófullnægjandi eða röngum upplýsingum, eða leitt til efnislega rangrar niðurstöðu.
Beiðni um endurupptöku skal senda á hms@hms.is eða í gegnum fyrirspurnir á Mínar síður HMS.
Taka skal fram þær upplýsingar sem umsækjandi telur að muni hafa áhrif á ákvörðun og senda með gögn eftir því sem við á.
Málið er í kjölfarið lagt fyrir nefnd sem tekur ákvörðun. Heimilt er að kæra ákvörðun um húsnæðisbætur til úrskurðarnefndar velferðarmála.
Kærufrestur er þrír mánuðir frá dagsetningu tilkynningar HMS um ákvörðun.