Leiguskrá heldur utan um rafræna skráningu leigusamninga og er hluti af Húsnæðisgrunni HMS (Húsnæðis- og mannvirkjastofnunar).
Með gagnagrunninum fást betri upplýsingar um leigumarkaðinn, sem og um þróun leiguverðs og lengd leigusamninga og þetta nýtist stjórnvöldum við stefnumótun í húsnæðismálum.

Engar persónugreinanlegar upplýsingar eru aðgengilegar úr Húsnæðisgrunni HMS.
Meðal þeirra upplýsinga sem HMS mun birta opinberlega eru:

• Meðaltal greiddrar leigu

• Meðal fermetraverð leigu

• Flatarmál (oft annað en í fasteignaskrá því það er verið að leigja út hluta af íbúð)

• Fjöldi virkra leigusamninga (og það sé haldið utan um söguna)

• Vísitala leiguverðs (byggt á verði og flatarmáli ásamt breytum úr fasteignaskrá)