Lokauppgjör húsnæðisbóta byggir á öllum skattskyldum tekjum heimilismanna 18 ára og eldri, þá mánuði sem húsnæðisbætur voru greiddar á síðasta tekjuári.
Skattskyldar tekjur eru meðal annars:

• atvinnutekjur

• elli – og örorkulífeyrisgreiðslur

• greiðslur séreignalífeyrissparnaðar

• fjármagnstekjur

• erlendar tekjur

• verktakagreiðslur

• hagnaður af eigin atvinnurekstri

• orlofs- og desemberuppbót

• ýmsir styrkir

Samanlagðar eignir, að frádregnum skuldum, allra heimilismanna 18 ára og eldri samkvæmt skattframtali mynda stofn til útreiknings á eignum.

Eignir geta meðal annars verið:

• fasteignir

• ökutæki

• bankainnistæður og fleira

Þær upplýsingar sem notaðar eru í lokauppgjöri eru fengnar frá Ríkisskattstjóra, úr skattframtali og staðgreiðsluskrá síðasta tekjuárs.