Við útreikning húsnæðisbóta er tekið mið af öllum skattskyldum tekjum (fyrir skatt) og eignum, allra heimilismanna 18 ára og eldri og fjölda heimilismanna sem búsettir eru í viðkomandi leiguhúsnæði.
Umsækjandi getur séð forsendur útreiknings í samþykktar- eða endurreikningsbréfi í pósthólfinu sínu á Mínar síður island.is.
Eignir og fjármagnstekjur eru áætlaðar út frá síðasta skattframtali en nánari upplýsingar um fjármagnstekjur má nálgast á vef ríkisskattstjóra hér.
Húsnæðisbætur eru endurreiknaðar að jafnaði ársfjórðungslega, en tekjuáætlun og bótafjárhæð getur breyst ef forsendur breytast.
Leigufjárhæð hefur aðeins áhrif á útreikning húsnæðisbóta ef hún er það lág að hún skerði húsnæðisbætur.
Húsnæðisbætur geta aldrei verið hærri en 75% af leigufjárhæð.