Þegar búið er að leggja skimunina fyrir alla nemendur er komið að því að skrá niðurstöðurnar í Matferil. Það er gert með því að velja Leggja fyrir í hliðarstikunni í viðmótinu og velja hóp. Þá eru notendur færðir yfir á síðu þar sem þeir velja skimunina og loks inn á síðu með lista yfir nöfn nemenda.

Þegar kennarinn er kominn inn í skráningarviðmótið birtist listinn yfir nemendur ásamt niðurstöðum þeirra sem búið er að skrá niðurstöður fyrir. Þarna er einnig skífa sem sýnir hvað búið er að skrá niðurstöður fyrir marga nemendur og fjölda skráninga sem er enn ólokið. Á myndinni má einnig sjá upplýsingar um tímabilið sem skimunin er opin og að því ljúki bráðum. Samkvæmt myndinni á kennarinn eftir að skrá niðurstöður fyrir Darlene Kate Friðriksdóttur. Það gerir hann með því að smella á „Skrá svör“.

Þegar kennarinn smellir á „Skrá svör“ fyrir nemanda opnast spjaldið hans í Matsferli. Þar skráir kennarinn svörin fyrir hvern prófhluta en nauðsynlegt er að skrá öll svör til að skráningu geti talist lokið. Þegar öll svör hafa verið skráð verður hnappurinn „Ljúka skráningu“ virkur og kennari getur smellt á hann.

Hægt er að fá gott yfirlit yfir stöðu skráningar á niðurstöðum fyrir hvern nemanda. Eins og áður segir er hægt að gera hlé á skráningu hvenær sem er með því að smella á hnappinn „Ljúka síðar“. Þá vistast skráð svör í Matsferli og hægt að halda skráningunni áfram síðar. Þegar búið er að skrá öll svör fyrir hverja síðu í prófhefti nemandans breytist liturinn á merkimiðanum fyrir hverja síðu úr rauðum yfir í fjólubláan.

Svörin fyrir þessa prófhluta eru skráð með sama hætti. Kennarar skrá svör nemenda með því að velja fyrst prófhluta og síðan blaðsíðuna sem þeir ætla að skrá svörin á. Athugið að blaðsíðutalið á skráningaryfirlitinu samsvarar blaðsíðutalinu í prófhefti nemanda til að einfalda skráninguna og minnka líkur á að svör skráist með röngum hætti.

Við skráningu á svörum smellir kennarinn á það sem nemandinn valdi í prófheftinu. Svörin eru ýmist merkt rétt (grænt) eða röng (rautt). Ef nemandinn svarar ekki merkir kennarinn í reitinn „Svar vantar“.

Á blaðsíðu 8 þurfa kennarar að skrá tvö svör við hverju verkefni. Á myndinni er sýnt hvernig skráningin lítur út þegar nemandinn svarar báðum prófatriðum rétt, aðeins öðru rétt eða engu prófatriði rétt. Á blaðsíðum 9 og 10 er skráning svara eins og í hinum prófhlutunum. Svörin eru ýmist merkt rétt (grænt) eða röng (rautt). Ef nemandinn svarar ekki prófatriði merkir kennarinn í reitinn „Svar vantar“.

Kennari getur gert hlé á skráningu svara fyrir nemanda með því að velja „Ljúka síðar“. Þá kemur upp sprettigluggi þar sem hægt er að „Hætta við“ eða „Halda áfram“. Ef „Halda áfram“ er valið vistast skráningin fyrir nemandann og valmöguleikinn „Halda áfram“ birtist hægra megin við nafn hans á nemendalistanum. Ef það er valið er hægt að halda áfram að skrá óskráð svör. Skífan sýnir hver staðan er á skráningu á svörum hópsins.