Skráning hafin á netnámskeið um skýrslugjöf um kynbundinn launamun

Nú er opið fyrir skráningu á netnámskeið Jafnréttisstofu um skýrslugjöf um kynbundinn launamun. Námskeiðið er ætlað stjórnendum, tengiliðum og öðru starfsfólki fyrirtækja og stofnana sem kemur að skýrslugjöf og gagnaskilum.

Á námskeiðinu verður farið yfir grunnatriði skýrslugjafar, kröfur um gagnaskil, innihald gagnanna og hvernig gögn eru skráð í nýtt þjónustu- og gagnakerfi. Einnig gefst þátttakendum kostur á að bera fram spurningar.

Námskeiðin fara fram rafrænt í gegnum Teams annan hvern fimmtudag kl. 11:00-12:00. Skráning er hafin og nánari upplýsingar um næstu dagsetningar má finna á vef Jafnréttisstofu hér.