Jafnréttisstofa
Skýrslugjöf um kynbundinn launamun
Með skýrslugjöf um kynbundinn launamun er tryggt að laun séu ákveðin á kerfisbundinn hátt; með skýrum, hlutlægum og gagnsæjum viðmiðum, þannig að einstaklingar fái sömu laun fyrir sömu eða jafnverðmæt störf, óháð kyni. Skýrslugjöfin myndar þannig grunn að ákveðnu jafnlaunakerfi sem kemur í veg fyrir að hægt sé að mismuna fólki í launum.
Fyrirtæki eða stofnanir með 50 starfsmenn eða fleiri þurfa að skila inn skýrslu um kynbundinn launamun til Jafnréttisstofu.
Eftirfarandi gögnum skal skila:
Starfaflokkun
Launagreiningu
Áætlun um úrbætur, þegar við á
Gild jafnréttisáætlun samþykkt af Jafnréttisstofu þarf að vera fyrir hendi áður en gögnum er skilað.
Skýrslugjöf um kynbundinn launamun tryggir að laun séu ákveðin samkvæmt jafnlaunakerfi; með skýrum, hlutlægum og gagnsæjum viðmiðum, þannig að einstaklingar fái sömu laun fyrir sömu eða jafnverðmæt störf, óháð kyni.
Jafnréttisáætlun
Jafnréttisáætlun er formleg aðgerðabundin áætlun sem fyrirtæki eða stofnanir setja til að tryggja jafna stöðu og tækifæri alls starfsfólks.
Starfaflokkun
Starfaflokkun felur í sér flokkun og mat á störfum út frá fyrirframákveðnum hlutlægum, kynhlutlausum viðmiðum þar sem lagt er mat á þær kröfur sem störf gera til starfsfólks.
Launagreining
Launagreiningin byggir á starfaflokkuninni og sýnir meðaltal fastra mánaðarlauna fyrir dagvinnu, fastar viðbótargreiðslur fyrir störf og allar aukagreiðslur eftir kynjum.
Úrbótaáætlun
Sýni niðurstaða launagreiningar óskýrðan launamun kynjanna yfir 3,9% og launamuninn er ekki unnt að skýra með málefnalegum hætti, skal fyrirtæki eða stofnun skila inn úrbótaáætlun.