Jafnréttisstofa
Mismunun á vinnumarkaði
Vissir þú að mismunun er ólögleg – bæði í daglegu lífi og á vinnumarkaði?
Lögin banna mismunun á grundvelli kyns, kynþáttar, trúar, lífsskoðunar, fötlunar, skertrar starfsgetu, þjóðernisuppruna, aldurs, kynhneigðar, kynvitundar, kyneinkenna eða kyntjáningar.
Markmið laganna er að vinna gegn mismunun og tryggja að fólk geti tekið fullan þátt í samfélaginu.
Hefur þú orðið fyrir mismunun?
Mismunun getur komið fram á marga vegu, til dæmis við ráðningu í starf eða þegar fólk sækir sér þjónustu. Það getur verið erfitt að meta hvort um mismunun sé að ræða, en ráðgjafar Jafnréttisstofu eru tilbúnir að hjálpa.
Kærufrestur til kærunefndar jafnréttismála er almennt 6 mánuðir.
Þess vegna er mikilvægt að tilkynna mál strax ef grunur um mismunun vaknar.