Mælaborð um notkun svefnlyfja og slævandi lyfja

Mælaborðið byggir á gögnum úr lyfjagagnagrunni embættis landlæknis sem inniheldur nánast fullþekjandi rauntímaupplýsingar um allar afgreiðslur lyfjaávísunarskyldra lyfja sem notuð eru utan sjúkrahúsa. Gögn í lyfjagagnagrunni eiga uppruna sinn hjá ávísandi heilbrigðisstarfsmanni (lyfjaávísanir) og lyfjabúðum (lyfjaafgreiðslur).

Gögnin í mælaborðinu ná yfir öll lyf í ATC-flokki N05C (svefnlyf og slævandi lyf) að undanskildum lyfjum í flokki N05CD08 (mídazólam) og N05CH (melatónín-viðtakaörvar). Í mælaborðinu eru annars vegar upplýsingar um afgreitt magn, þar sem notast er við mælieininguna skilgreinda dagskammta (DDD) á hverja 1.000 íbúa á dag, og hins vegar fjölda einstaklinga á hverja 1.000 íbúa sem fá afgreidd lyf í þessum ATC-flokkum.

Tölur í mælaborðinu eru gagnvirkar, það er þær breytast til samræmis við það sem valið er í fyrir fram skilgreindum síum (kyn, aldursflokkar, heilbrigðisumdæmi, ársfjórðungar og virkt heiti lyfja).

Frekari upplýsingar
Arnar Sigbjörnsson og Védís Helga Eiríksdóttir, verkefnastjórar á heilbrigðisupplýsingasviði