Hægt er að sækja um vegabréf á öllum sýsluskrifstofum um land allt.

Margir verða á faraldsfæti í sumar og þá er gott að hafa í huga að sá möguleiki er fyrir hendi að fara inn á sýsluskrifstofur hvar sem er á landinu og ganga frá umsókn. Ekki má senda vegabréfin í pósti en hægt er að nálgast þau á þeirri sýsluskrifstofu sem óskað er eftir eða hjá Þjóðskrá Íslands.

Hér má sjá opnunartíma sýsluskrifstofanna um allt land.

Muna að hafa skilríki meðferðis. Framvísa á eldra vegabréfi eða gefa upplýsingar um týnt vegabréf. Ef meira en ár er eftir af gildistíma týnds vegabréfs verður það nýja einungis gefið út til sama tíma og það eldra.
Ef sækja á um vegabréf fyrir börn undir 18 ára aldri þurfa báðir foreldrar að sækja um nema annað foreldri fari með forsjá. Fleiri almennar upplýsingar um vegabréf má nálgast hér.