Styrkir til kaupa á hreinorku eða losunarfríum vöru- og hópferðaökutækjum

Í gegnum eftirfarandi hlekk: Styrkir til kaupa á hreinorku eða losunarfríum vöru- og hópferðaökutækjum | Ísland.is

Umsóknir eru afgreiddar í þeirri röð sem þær berast. Afgreiðslutími getur verið breytilegur eftir umfangi og fjölda umsókna hverju sinni.

Samningurinn er aðgengilegur inni á umsoknir.orkusjodur.is.

Þú færð tölvupóst þegar umsóknin hefur verið samþykkt, vísað frá eða hafnað. Ef hún er samþykkt, þarftu að staðfesta samning í umsóknarkerfinu.

Eftir samþykkt samnings þarf að:

• Undirrita samning rafrænt.

• Hlaða upp pöntunarstaðfestingu fyrir ökutækið í umsóknarkerfinu.

• Skila lokaskýrslu í umsóknarkerfinu þegar ökutækið hefur verið afhent og skráð.

• Reikning

• Kvittun eða greiðslustaðfestingu

• Skráningu bifreiðar hjá Samgöngustofu

• Mynd af ökutækinu (ef til)

Þú færð athugasemdir frá sjóðnum og þarft að bæta úr þeim og senda inn uppfærð gögn.

Eftir samþykkt lokaskýrslu fer styrkurinn í greiðsluferli. Útgreiðsla getur tekið allt að þrjár vikur.

Já, ef þú dregur umsóknina til baka verður hún ekki afgreidd. Þú færð staðfestingu á afturköllun í tölvupósti.

Það þýðir að umsóknin uppfyllti ekki skilyrði og verður ekki tekin til afgreiðslu. Ástæða frávísunar er tilgreind í tölvupósti.

Allar upplýsingar um styrki til kaupa á hreinorku eða losunarfríum vöru- og hópferðaökutækjum má finna hér: https://island.is/styrkir-til-kaupa-a-hreinorku-eda-losunarfrium-voeru-og-hopferdaoekutaekjum

Almennt er veittur styrkur sem nemur 33% af kaupverði bifreiðarinnar (án vsk.) en þó upp að ákveðnu hámarki. Hámarks upphæð styrks fer eftir þyngd ökutækis sem og flokkun þess hjá Samgöngustofu, líkt og útlistað er í töflunni á vefslóðinni að ofan. Athugaðu að ár nýskráningar skiptir einnig máli (sjá sömu töflu).

Þú getur sótt um á eftirfarandi vefslóð: Styrkir til kaupa á hreinorku eða losunarfríum vöru- og hópferðaökutækjum | Ísland.is Umsóknin er síðan tekin til skoðunar og afgreiðslu hjá Umhverfis- og orkustofnun. Þegar umsókn hefur verið samþykkt er samningur sendur til þín til rafrænnar undirritunar. Þegar undirritun hefur farið fram þarf að hlaða upp pöntunarstaðfestingu fyrir ökutækið í þar til gert eyðublað í umsóknarkerfinu. Eftir að pöntunarstaðfesting hefur verið samþykkt er næsta skref að skila lokaskýrslu. Þegar ökutæki hefur verið afhent og skráð hjá Samgöngustofu þarf að fylla út lokaskýrslu í umsóknarkerfinu. Í lokaskýrslu þarf að skila eftirfarandi gögnum:

• Reikningi

• Kvittun eða annarri greiðslustaðfestingu (t.d. afriti af greiðslu úr heimabanka)

• Skráningu bifreiðar hjá Samgöngustofu

• Mynd af ökutækinu (ef þið eigið hana)

Þegar lokaskýrslan hefur verið samþykkt af Umhverfis- og orkustofnun fer styrkurinn í greiðsluferli.

Styrkveitingar vegna kaupa á losunarfríum ökutækjum byggja á reglugerð um Loftslags- og orkusjóð nr. 1566/2024. Þar kemur fram að kaup á ökutækjum í flokki M2, M3, N2 og N3 eru aðeins styrkhæf séu ökutækin ný við innflutning. Reglugerðin skilgreinir ný ökutæki sem þau sem hafa fyrstu skráningu á Íslandi. Ef ökutæki er ekki með fyrstu skráningu á Íslandi skv. skráningu Samgöngustofu telst það því ekki nýtt í skilningi reglugerðarinnar.

Umhverfis- og orkustofnun hefur tekið slík mál til sérstakrar skoðunar og mun þrátt fyrir ofangreint afgreiða slíkar umsóknir líkt og gert er með umsóknir um styrki til kaupa á hreinorku sendibílum (N1). Í þeim tilfellum sem ökutæki hafa fyrstu skráningu erlendis, innan árs frá nýskráningu á Íslandi, verða styrkirnir 80% af hámarksstyrk. Styrkhlutfall er því 26,4% að hámarki 80% af upphæðum í töflu: https://island.is/styrkir-til-kaupa-a-hreinorku-eda-losunarfrium-voeru-og-hopferdaoekutaekjum.

Sendu tölvupóst á orkusjodur@uos.is fyrir almennar spurningar eða bokhald@uos.is ef um greiðslur er að ræða. 
 
Athugið: Skila þarf inn öllum gögnum inni í umsóknarkerfinu umsoknir.orkusjodur.is – ekki með tölvupósti.