Alþjóðlegt menntasamstarf

Hefur þú áhuga á menntamálum og vilt stuðla að árangursríku evrópsku og norrænu menntasamstarfi? Rannís óskar eftir sérfræðingi í fullt starf á mennta- og menningarsvið.

Um er að ræða umsjón með eTwinning, rafrænu skólasamfélagi sem stuðlar að samstarfi milli íslenskra og evrópskra kennara og skólafólks og Nordplus Junior sem er skólahluti Nordplus menntaáætlunar Norrænu ráðherranefndarinnar. Starfið felur í sér umsýslu umsókna og verkefna, gerð vinnuáætlana og skýrslna auk þátttöku í kynningarmálum og alþjóðlegu samstarfi.

• Háskólamenntun sem nýtist í starfi

• Þekking á íslensku menntaumhverfi og reynsla af starfi í menntageiranum

• Mjög góð íslenskukunnátta og færni í að tjá sig í ræðu og riti

• Mjög góð færni í ensku, töluðu og rituðu máli

• Kunnátta í Norðurlandamáli er kostur

• Mjög góð færni í notkun upplýsingatækni

• Sjálfstæð og skipulögð vinnubrögð

• Framúrskarandi samstarfshæfni og samskiptafærni

• Reynsla af þátttöku í alþjóðlegu samstarfi, verkefnastjórnun og kynningastarfi er kostur

• Metnaður til að ná árangri í starfi með því að sýna vönduð vinnubrögð, frumkvæði og veita góða þjónustu

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknarfrestur er til og með 12. október 2026

Nánari upplýsingar á heimasíðu Rannís, www.rannis.is/starfsemi/laus-storf/. Umsókn skal fylgja ferilskrá, kynningarbréf og prófskírteini.

Umsækjendum er bent á að kynna sér starfsemi Rannís og sérstaklega eTwinning og Nordplus á heimasíðu Rannís.

Umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum, með síðari breytingum.

Við ráðningu í starfið er tekið mið af jafnréttisáætlun Rannís og er fólk af öllum kynjum hvatt til að sækja um. Öllum umsóknum verður svarað þegar ákvörðun hefur verið tekin um ráðningu.

Rannís er líflegur vinnustaður með um 70 sérfræðingum sem starfa eftir gildum stofnunarinnar: Áhrif, fagmennska og samstarf. Hlutverk Rannís er að treysta stoðir íslensks samfélags með stuðningi við rannsóknir, nýsköpun, menntun og menningu og styðja þekkingarsamfélagið með rekstri samkeppnissjóða, aðstoð og kynningu á alþjóðlegum sóknarfærum og samstarfsmöguleikum. Rannís greinir og kynnir áhrif rannsókna, menntunar og menningar á þjóðarhag og þjónustar undirbúning vísinda- og tæknistefnu.