Reglugerð um ráðstöfun afla sem dreginn er frá heildarafla samkvæmt 5. mgr. 8. gr. laga nr. 116/2006, um stjórn fiskveiða.

1. gr. Ráðstöfun afla sem dreginn er frá heildarafla.

Ráðstöfun afla, sem dreginn er frá heildarafla skv. 3. mgr. 8. gr. laga um stjórn fiskveiða, tilgreind í tonnum, er sem hér segir:

Tegund	Skel- og rækjubætur		Byggðakvóti til fiskiskipa	Byggðakvóti Byggðastofnunar		Frístundaveiðar	Línuívilnun
	Tonn	Þorskígildistonn	Tonn	Tonn	Þorskígildistonn	Tonn	Tonn
Þorskur	217	182	966	3.330	2.797	75	300
Ýsa	99	70	2.084	1.026	724	0	500
Ufsi	153	75	968	832	405	0	0
Steinbítur	17	6	206	154	53	0	80
Gullkarfi	55	25	579	640	288	0	30
Keila	10	3	167	214	54	0	20
Langa	8	3	128	146	62	0	25

Til viðbótar ráðstöfun skv. 1. mgr. kemur til úthlutunar á fiskveiðiárinu 2026/2027 sá afli sem ráðstafað var í almennan byggðakvóta í lok fiskveiðiársins 2025/2026 með reglugerð nr. 924/2026, um (6.) breytingu á reglugerð nr. 1270/2025, um ráðstöfun afla sem dreginn er frá heildarafla samkvæmt 5. mgr. 8. gr. laga nr. 116/2006, um stjórn fiskveiða, og reglugerð nr. 925/2026, um (1.) breytingu á reglugerð nr. 1333/2025, um úthlutun byggðakvóta til byggðarlaga á fiskveiðiárinu 2025/2026. Sá afli er 197 tonn af þorski, 190 tonn af ýsu, 704 tonn af ufsa, 70 tonn af steinbít, 100 tonn af gullkarfa, 45 tonn af keilu og 42 tonn af löngu. Honum skal úthlutað til viðkomandi byggðarlaga samhliða ráðstöfun skv. 1. mgr.

2. gr. Sérstök úthlutun til skel- og rækjubáta.

Við útreikning uppbóta vegna rækjubáta er miðað við að skerðingin verði ekki meiri en 30% frá meðalafla rækjuvertíðanna 1996/1997-2005/2006 að frádregnum afla í rækju fiskveiðiársins 2025/2026 á viðkomandi svæði að teknu tilliti til heildarráðstöfunar skel- og rækjubóta skv. 1. gr.

Við útreikning uppbóta vegna skelbáta er miðað við að skerðingin verði ekki meiri en 30% frá meðalafla áranna 1998 til 2007 að teknu tilliti til heildarráðstöfunar skel- og rækjubóta skv. 1. gr.

Úthluta skal uppbótum til einstakra báta á grundvelli þeirrar aflahlutdeildar sem þeir hafa í rækju og skel á viðkomandi svæði og miðast við aflahlutdeild eins og hún er 1. ágúst 2026. Verðmætastuðull er 0,52 miðað við þorskígildi fyrir rækju og 0,32 miðað við þorskígildi fyrir hörpudisk. Uppbæturnar eru í þeim tegundum sem tilgreindar eru í 1. gr. og skiptast í þorskígildistonnum milli svæða og bátaflokka samkvæmt eftirfarandi töflu:

Úthlutun/bátar	Þorskígildistonn
1. Úthlutun til rækjubáta:	193
Frá Arnarfirði	22
Í Ísafjarðardjúpi	64
Við Húnaflóa	26
Við Skagafjörð	27
Á Skjálfanda	12
Við Öxarfjörð	35
Á Eldeyjarsvæði	4
Í Norðurfjörðum Breiðafjarðar	3
2. Úthlutun til skelbáta:	171
Frá Arnarfirði	1
Við Húnaflóa	6
Við Breiðafjörð	160
Við Hvalfjörð	4
Samtals:	364

3. gr. Ráðstöfun og nýting línuívilnunar.

Línuívilnun skal skiptast þannig innan fiskveiðiársins:

Tegundir/ tímabil	September - nóvember	Desember - febrúar	Mars - maí	Júní - ágúst	Samtals
Þorskur	95	114	70	21	300
Ýsa	216	169	62	53	500
Steinbítur	3	9	60	8	80
Gullkarfi	9	10	8	3	30
Keila	8	5	5	2	20
Langa	11	6	6	2	25

Fiskistofa fylgist með línuafla og tilkynnir ráðuneytinu hvenær líklegt megi telja að viðmiðunarafla hvers tímabils verði náð. Náist ekki að veiða viðmiðunarafla einhvers tímabils bætast ónýttar heimildir við viðmiðunarafla næsta tímabils á eftir fyrir viðkomandi ráðstöfun. Fiskistofa tilkynnir síðan frá hvaða degi tiltekinn afli reiknast að fullu til aflamarks.

4. gr. Gildistaka og lagastoð.

Reglugerð þessi er sett skv. 6. gr., 8. gr., 10. gr., 10. gr. a og 11. gr. laga um stjórn fiskveiða, nr. 116/2006, og öðlast þegar gildi. Jafnframt fellur úr gildi reglugerð um ráðstöfun afla sem dreginn er frá heildarafla samkvæmt 5. mgr. 8. gr. laga nr. 116/2006, um stjórn fiskveiða, nr. 1270/2025.

Innviðaráðuneytinu, 14. september 2026.

Eyjólfur Ármannsson.

Aðalsteinn Þorsteinsson.

B deild - Útgáfudagur: 15. september 2026