Reglugerð um afmörkun siglingaleiða, svæði sem ber að forðast og tilkynningaskyldu skipa fyrir Suðvesturlandi.

NÝJAR AÐSKILDAR SIGLINGALEIÐIR UNDAN SUÐVESTURSTRÖND ÍSLANDS.

(Viðmiðunarsjókort: Íslenskt kort nr. 31 (INT 1105) Dyrhólaey – Snæfellsnes (ný útgáfa júní 2004.) Skýring: Kortið byggist á World Geodetic System 1984 Datum (WGS-84)).

Lýsing á aðskildu siglingaleiðunum

I. hluti Aðskildar siglingaleiðir norðvestur af Garðskagavita.

Leiðastjórnunarráðstafanir felast í aðskildum siglingaleiðum norðvestur af Garðskagavita með tengdum tvístefnuleiðum á hvorum enda.

Svæði sem skilur að einstefnuleiðir markast af línu sem tengir eftirtalda staði:

1) 64°09,02′N, 022°41,40′V

2) 64°09,02′N, 022°49,60′V

3) 64°07,03′N, 022°53,25′V

4) 64°06,65′N, 022°52,14′V

5) 64°08,40′N, 022°48,92′V

6) 64°08,40′N, 022°41,40′V

Einstefnuleið fyrir umferð til norðausturs/austurs hefur verið mörkuð milli svæðis sem skilur að einstefnuleiðir og línu sem tengir eftirtalda staði:

7) 64°05,91′N, 022°50,06′V

8) 64°07,20’N, 022°47,51′V

9) 64°07,20′N, 022°41,40′V

Einstefnuleið fyrir umferð til vesturs/suðvesturs hefur verið mörkuð milli svæðis sem skilur að einstefnuleiðir og línu sem tengir eftirtalda staði:

10) 64°10,26′N, 022°41,40′V

11) 64°10,26′N, 022°50,94′V

12) 64°07,80′N, 022°55,46′V

Lýsing á tvístefnuleiðunum

Tvístefnuleið fyrir umferð til austurs/vesturs norður af Garðskaga hefur verið mörkuð með línum sem tengja eftirtalda staði:

9) 64°07,20′N, 022°41,40′V 10) 64°10,26′N, 022°41,40′V

13) 64°10,26′N, 022°33,26′V

14) 64°07,20′N, 022°33,26′V

Tvístefnuleið fyrir umferð til norðausturs/suðvesturs vestur af Garðskaga hefur verið mörkuð með línum sem tengja eftirtalda staði:

15) 64°05,63′N, 022°59,45′V

12) 64°07,80′N, 022°55,46′V 16) 64°03,54′N, 022°54,70′V 7) 64°05,91′N, 022°50,06′V

II. hluti

Aðskildar siglingaleiðir suðvestur af Reykjanesi.

Leiðastjórnunarráðstafanir felast í aðskildum siglingaleiðum suðvestur af Reykjanesi með tengdum tvístefnuleiðum á hvorum enda.

Svæði sem skilur að einstefnuleiðir markast af línu sem tengir eftirtalda staði:

30) 63°31,75′N, 023°32,28′V

31) 63°33,90′N, 023°33,92′V

32) 63°31,55′N, 023°33,62′V

33) 63°33,69′N, 023°35,26′V

Einstefnuleið fyrir umferð til norðnorðvesturs hefur verið mörkuð milli svæðis sem skilur að einstefnuleiðir og línu sem tengir eftirtalda staði:

29) 63°32,00′N, 023°29,50′V

34) 63°34,30′N, 023°31,23′V

Einstefnuleið fyrir umferð til suðsuðausturs hefur verið mörkuð milli svæðis sem skilur að einstefnuleiðir og línu sem tengir eftirtalda staði:

35) 63°30,82′N, 023°36,06′V

36) 63°33,37′N, 023°38,00′V

Lýsing á tvístefnuleiðinni

Tvístefnuleið hefur verið mörkuð vestur af Reykjanesi úti fyrir suðvesturhorni Fuglaskerjasvæðisins sem ber að forðast (vestara svæðisins) með línu sem tengir eftirtalda staði: 34) 63°34,30′N, 023°31,23′V

36) 63°33,37′N, 023°38,00′V

28) 63°42,00′N, 023°37,00′V

37) 63°41,00′N, 023°43,69′V

Athugasemdir:

1.1 Öllum skipum stærri en 5.000 brúttótonn og öllum skipum sem flytja hættuleg efni eða eiturefni í búlka eða farmtönkum skal siglt um ytri leið suðvestur af Reykjanesi nema heimilt sé að sigla þeim um innri leið samkvæmt ákvæðum mgr. 1.2 og 1.4 hér á eftir.

1.2 Heimilt er að sigla skipum allt að 5.000 brúttótonnum að stærð, sem flytja ekki hættuleg efni eða eiturefni í búlka eða farmtönkum, um innri leið að uppfylltum skilyrðum sem getið er um í 1.4.

1.3 Skip frá 5.000 til og með 20.000 brúttótonnum að stærð mega sigla innri leiðina að því tilskildu að:

.1 skipið flytji ekki hættuleg efni eða eiturefni í búlka eða í farmtönkum; og

.2 skipstjóri hafi sótt námskeið Siglingastofnunar Íslands og fengið siglingaheimild fyrir innri leið. Til að eiga þess kost að sækja slíkt námskeið skal skipstjóri á undangengnum 18 mánuðum hafa siglt sex sinnum áfalla- og athugasemdalaust til hafna við Faxaflóa sem skipstjóri eða yfirstýrimaður. Siglingaheimild skipstjóra fellur úr gildi ef 24 mánuðir líða án þess að skipstjórinn sigli skipi til hafna við Faxaflóa.

1.4 Heimilt er að sigla tankskipum allt að 5.000 brúttótonnum að stærð sem flytja gasfarm eða jarðolíu með hámarksseigju^[1] (kinematic viscosity) 11,0 cSt við 40°C, um innri leið. Skipstjóri skal uppfylla skilyrði sem sett eru í mgr. 1.3.2 hér að framan.

2. Sjófarendur eiga að hafa í huga að búast má við því að fiskiskip haldi sig á svæðinu og ættu þeir því að haga siglingu sinni til samræmis við það.

3. Undantekningar sem gilda um leiðastjórnunarráðstafanirnar eru í samræmi við reglu 1.1 í V. kafla alþjóðasamningsins um öryggi mannslífa á hafinu frá 1974 (SOLAS). Undanskilin eru herskip, hjálparskip herflota, eða önnur skip í eigu eða útgerð ríkisstjórnar samningsaðila sem eru eingöngu starfrækt í þjónustu hins opinbera og ekki í atvinnuskyni. Undantekningarnar gilda ekki um aðskildu siglingaleiðirnar.

MÖRK NÝRRAR TVÍSTEFNULEIÐAR UNDAN SUÐVESTURSTRÖND ÍSLANDS

(Viðmiðunarsjókort: Íslenskt kort nr. 31 (INT 1105) Dyrhólaey – Snæfellsnes (ný útgáfa júní 2004.) Skýring: Kortið byggist á World Geodetic System 1984 Datum (WGS-84)).

Lýsing á tvístefnuleiðinni í og við Húllið (innri leið):

Leiðastjórnunarráðstafanir felast í tvístefnuleið (innri leið) vestur af Reykjanesi milli Selvogsbankasvæðisins og Fuglaskerjasvæðisins sem ber að forðast og markast hún af línum sem tengja eftirtalda staði:

18) 64°01,70′N, 022°58,30′V

19) 63°49,20′N, 022°47,30′V

20) 63°48,00′N, 022°48,40′V

21) 63°47,00′N, 022°47,60′V

22) 63°45,80′N, 022°44,40′V

23) 63°40,90′N, 022°40,20′V

26) 63°39,70′N, 022°46,70′V

27) 63°59,10′N, 023°03,50′V

MÖRK SVÆÐA SEM BER AÐ FORÐAST ÚTI FYRIR SUÐVESTURLANDI:

(Viðmiðunarsjókort: Íslenskt kort nr. 31 (INT 1105) Dyrhólaey – Snæfellsnes (ný útgáfa júní 2004.) Skýring: Kortið byggist á World Geodetic System 1984 Datum (WGS-84)).

MÖRK SVÆÐA SEM BER AÐ FORÐAST:

a) Fyrir Suður- og Suðvesturlandi – Selvogsbankasvæði

Svæðið sem ber að forðast markast af línum sem tengja eftirtalda staði:

25) Dyrhólaeyjarviti 63°24,13' N, 019°07,83′V

24) S af Surtsey 63°10,00′N, 020°38,00′V

23) S af Reykjanesi 63°40,90′N, 022°40,20′V

22) SV af Reykjanesi 63°45,80′N, 022°44,40′V

21) Húllið SA-hluti 63°47,00′N, 022°47,60′V

20) Húllið NA-hluti 63°48,00′N, 022°48,40′V

19) SV af Litlu Sandvík 63°49,20′N, 022°47,30′V

18) Við Sandgerði 64°01,70′N, 022°58,30′V

8) NV af Garðskaga 64°07,20′N, 022°47,50′V

9) N af Garðskaga 64°07,20′N, 022°41,40′V

17) Garðskagaviti 64°04,92′N, 022°41,40′V

b) Vestur af Reykjanesi – Fuglaskerjasvæði

Svæðið sem ber að forðast markast af línum sem tengja eftirtalda staði:

26) SA-horn 63°39,70′N, 022°46,70′V

27) N-horn 63°59,10′N, 023°03,50′V

28) V-horn 63°42,00′N, 023°37,00′V

29) SV-horn 63°32,00′N, 023°29,50′V

c) Faxaflói – Syðra-Hraunssvæði

Svæðið sem ber að forðast markast af línum sem tengja eftirtalda staði:

1) SV-horn 64°10,30′N, 022°29,00′V

2) SA-horn 64°10,30′N, 022°20,00′V

3) A-horn 64°12,00′N, 022°17,50′V

4) NA-horn 64°14,20′N, 022°20,00′V

5) NV-horn 64°14,20′N, 022°29,00′V

6) V-horn 64°12,00′N, 022°31,00′V

Athugasemdir:

1. Leiðastjórnunarráðstafanirnar taka til allra skipa sem falla undir SOLAS-samninginn og eru 500 brúttótonn eða stærri. Þó er heimilt að sigla skipum um Selvogsbankasvæðið svo sem tilgreint er í 2. mgr. hér á eftir.

2. Skipum sem sigla til hafna innan Selvogsbankasvæðisins er heimil sigling um svæðið. Farþegaskip á tímabilinu 1. maí til 1. október og skip allt að 20.000 BT sem flytja hvorki hættuleg efni né eiturefni í búlka eða farmtönkum og hafa heimild til að sigla innri leið skv. 2. mgr. 6. gr. reglugerðar þessarar mega sigla um Selvogsbankasvæðið fyrir sunnan 63°45´N.

NÝ TILKYNNINGASKYLDA SKIPA SEM SIGLA INN Á SELVOGSBANKASVÆÐIÐ SEM BER AÐ FORÐAST UNDAN SUÐUR- OG SUÐVESTURSTRÖND ÍSLANDS

SIGLINGAÖRYGGISNEFND IMO

HEFUR HUGFASTAN b-lið 28. gr. samþykktarinnar um Alþjóðasiglingamálastofnunina

(IMO) um starfssvið nefndarinnar,

HEFUR EINNIG HUGFASTA 11. reglu V. kafla alþjóðasamnings um öryggi mannslífa á hafinu, SOLAS 1974, í tengslum við samþykki tilkynningaskyldukerfa skipa af hálfu stofnunarinnar,

HEFUR ENNFREMUR HUGFASTA ályktun nr. A.858(20) þar sem kveðið er á um að það sé hlutverk nefndarinnar að samþykkja tilkynningaskyldukerfi skipa fyrir hönd stofnunarinnar,

AÐ TEKNU TILLITI TIL leiðbeininga og viðmiðunarreglna um tilkynningaskyldukerfi skipa sem samþykkt var með ályktun siglingaöryggisnefndar MSC.43(64), sem breytt var með ályktunum MSC.111(73) og MSC.189(79),

AÐ ATHUGUÐUM tilmælum undirnefndar um siglingafræðileg málefni (NAV) á fimmtugasta og þriðja fundi sínum,

1. SAMÞYKKIR, í samræmi við 11. reglu í V. kafla SOLAS hið nýja tilkynningaskyldukerfi skipa „undan suður- og suðvesturströnd Íslands“;

2. ÁKVEÐUR að tilkynningaskyldukerfi skipa „undan suður- og suðvesturströnd Íslands“ öðlist gildi kl. 00.00 að heimstíma (UTC/GMT) 1. júlí 2008; og

3. FER ÞESS Á LEIT við framkvæmdastjóra IMO að hann komi þessari ályktun á framfæri við aðildarríkin og ríkisstjórnir aðildarríkja að SOLAS-samningnum frá 1974.

NÝTT TILKYNNINGASKYLDUKERFI SKIPA „UNDAN SUÐVESTURSTRÖND ÍSLANDS“

1. Flokkar skipa sem skylt er að taka þátt í tilkynningaskyldunni.

1.1 Eftirtöldum flokkum skipa er skylt að taka þátt í tilkynningaskyldunni:

.1 Skip sem eru á leið til hafna sem liggja að Selvogsbankasvæðinu sem ber að forðast undan suðvesturströnd Íslands; og

.2 Skip minni en 5.000 brúttótonn í strandsiglingum við Ísland sem hefur verið heimilað að sigla um Selvogsbankasvæðið, sunnan við breiddargráðuna 63°45’ N, á leið sinni til og frá höfnum umhverfis landið og flytja ekki hættulegan, eitraðan eða mengandi farm í lausu eða í farmtönkum.

Samkvæmt SOLAS 1974 tekur tilkynningaskyldukerfi skipa ekki til herskipa, hjálparskipa herflota, eða annarra skipa í eigu eða útgerð ríkisstjórnar samningsaðila sem eru eingöngu starfrækt í þjónustu hins opinbera og ekki í atvinnuskyni.

Skipstjórnarmenn þessara skipa eru þó hvattir til að taka þátt í tilkynningaskyldunni. Tilkynningaskyldukerfið fyrir skip tekur ekki til fiskiskipa með veiðiheimild í efnahagslögsögu Íslands og rannsóknarskipa.

2. Landfræðilegt umfang kerfisins og fjöldi og útgáfur viðmiðunarsjókorta sem notuð eru til að afmarka kerfið.

Tilkynningakerfið nær yfir Selvogsbankasvæðið sem ber að forðast undan suður- og suðvesturströnd Íslands, en það er að öllu leyti staðsett innan landhelgi Íslands, og markast af línum sem tengja eftirtalda staði:

25) Dyrhólaeyjarviti 63°24,13' N, 019°07,83'V

24) S af Surtsey 63°10,00′N, 020°38,00′V

23) S af Reykjanesi 63°40,90′N, 022°40,20′V

22) SV af Reykjanesi 63°45,80′N, 022°44,40′V

21) Húllið SA-hluti 63°47,00′N, 022°47,60′V

20) Húllið NA-hluti 63°48,00′N, 022°48,40′V

19) SV af Litlu Sandvík 63°49,20′N, 022°47,30′V

18) Við Sandgerði 64°01,70′N, 022°58,30′V

8) NV af Garðskaga 64°07,20′N, 022°47,50′V

9) N af Garðskaga 64°07,20′N, 022°41,40′V

17) Garðskagaviti 64°04,92′N, 022°41,40′V

(Viðmiðunarsjókortið, sem felur í sér svæðið með tilkynningaskyldukerfinu, er íslenska sjókortið nr. 31, (INT 1105) Dyrhólaey - Snæfellsnes (ný útgáfa júní 2004) byggt á WGS-84).

3. Snið, efni tilkynningar, tímar og staðir þar sem senda á tilkynningar, yfirvald sem senda skal tilkynningar til og þjónusta sem í boði er.

Tilkynning með titlinum „TRANSREP“ skal send til yfirvalds í landi sem er vaktstöð siglinga í Reykjavík. Tilkynningar skulu sendar með talviðskiptum á VHF.

3.1 Snið

Tilkynning skips til yfirvalds í landi skal vera í samræmi við sniðið sem mælt er fyrir um í mgr. 5.5. Upplýsingarnar sem óskað er eftir að skip sendi eru í samræmi við staðlað tilkynningasnið og tilhögun sem mælt er fyrir um í 2. mgr. viðauka við ályktun A.851(20).

3.2 Efni

Tilkynningin sem krafist er að skipið sendi til yfirvalds í landi inniheldur aðeins upplýsingar sem þjóna tilgangi kerfisins. Upplýsingar sem teljast nauðsynlegar:

A Nafn skips, kallmerki og IMO-númer

C eða D Staður skipsins (breidd og lengd eða miðað við kennileiti í landi)

E Stefna

F Hraði

G Brottfararhöfn

H Dagsetning, tími og staður þar sem siglt er inn í kerfið

I Ákvörðunarhöfn

K Dagsetning, tími og staður þegar og þar sem skipið fer úr höfn sem liggur innan ATBA-svæðisins

L Áformuð leið innan ATBA-svæðis

Komi upp bilun, mengun frá skipinu eða ef farmur fer fyrir borð kann að vera óskað eftir viðbótarupplýsingum.

3.3 Staður þar sem senda á tilkynningar

Skip sem sigla inn á ATBA-svæðið skulu tilkynna til vaktstöðvar siglinga í Reykjavík hvenær búast má við að þau sigli inn fyrir mörk kerfisins, sem tilgreind eru í 2. mgr., 4 klst. áður en komið er inn á svæðið eða þegar siglt er frá höfn í Faxaflóa. Skip sem sigla úr höfn innan svæðisins skulu tilkynna það við brottför.

3.4 Yfirvald

Yfirvald í landi er vaktstöð siglinga í Reykjavík (Maritime Traffic Service – MTS) sem Siglingastofnun Íslands starfrækir.

4. Upplýsingar sem veita á skipum og verklagsreglur sem á að fylgja.

Fylgst er með skipum, sem vart verður við, með AIS og það leysir skipstjóra þeirra engan vegin undan þeirri ábyrgð þeirra að sigla skipum sínum af fyllsta öryggi.

Eftir að skýrsla hefur verið móttekin getur vaktstöð siglinga í Reykjavík, ef óskað er, séð fyrir eftirfarandi:

- upplýsingum um siglingafræðilegar aðstæður; og - upplýsingum um veðurskilyrði.

5. Fjarskipta sem krafist er í tengslum við kerfið, tíðnir sem senda ætti tilkynningar á og upplýsingar sem ber að tilkynna.

.1	TRANSREP byggist á talviðskiptum á VHF.
.2	Vaktstöðin er kölluð upp á VHF-rás 70 (16).
.3	Ef skip getur ekki notað VHF-rás 70 (16) til þess að tilkynna um siglingu skipsins á að nota MF-DSC eða INMARSAT.
.4	Tilkynningar á að senda á ensku til vaktstöðvar siglinga í Reykjavík og, ef þörf krefur, á að nota staðlaðan orðtakalista Alþjóðsiglingamálastofnunarinnar (IMO) um viðskipti skipa (IMO Standard Marine Communication Phrases).
.5	Upplýsingar sem tilkynna á um:
A	Nafn skips, kallmerki og IMO-númer

C eða D Staður skipsins (breidd og lengd eða miðað við kennileiti í landi)

E Stefna

F Hraði

G Brottfararhöfn

H Dagsetning, tími og staður þar sem siglt er inn í kerfið

I Ákvörðunarhöfn

K Dagsetning, tími og staður þegar og þar sem skipið fer úr höfn sem liggur innan ATBA-svæðisins

L Áformuð leið innan ATBA-svæðis

6. Reglur og reglugerðir í gildi innan svæða sem kerfið nær til.

Viðkomandi lög í gildi eru m.a. landslög og reglugerðir sem hrinda í framkvæmd samþykkt frá 1972 um alþjóðareglur til að koma í veg fyrir árekstra á sjó, alþjóðasamningi frá 1974 um öryggi mannslífa á hafinu og alþjóðasamningi frá 1973 og bókun frá 1978 um varnir gegn mengun frá skipum.

7. Aðstaða í landi sem styður við rekstur kerfisins.

Vaktstöð siglinga í Reykjavík (Maritime Traffic Service – MTS)

- Vaktstöð siglinga er búin sjálfvirku auðkenniskerfi (AIS) sem nær yfir allt ATBAsvæðið.

- VHF-, MF-, HF- og INMARSAT-fjarskiptabúnaður;

- Sími, myndsími og tölvupóstur til samskipta, og

- Starfsfólk sem starfrækir kerfið: Vaktstöðin er mönnuð starfsfólki Landhelgisgæslunnar allan sólarhringinn.

8. Önnur tilhögun samskipta ef fjarskiptakerfi vaktstöðvarinnar bila.

TRANSREP er búið nægilega öflugum varabúnaði til að bregðast við venjulegum bilunum á búnaði.

---

[1] Sbr. staðal ISO 8217:2005.

Kort sem sýnir afmörkun siglingaleiða, svæði sem ber að forðast

og mörk tilkynningaskyldu skipa fyrir Suðvesturlandi.