Vefþjónustur

Stefna Samgöngustofu er að sem flestar þjónustur, helst allar, verði stafrænar og samskipti milli kerfa þjónustuaðila og Samgöngustofu verði í formi vefþjónusta. Þjónustuaðilar hafi því yfir að ráða eigin kerfum sem tala við Samgöngustofu í formi skeyti í stað þess að þjónustuaðilar vinni beint í kerfum Samgöngustofu.

Yfirlit yfir vefþjónustur

Eftirfarandi vefþjónustur standa þjónustuaðilum til boða til að sækja upplýsingur og senda til Samgöngstofu.

• Uppfletting ökutækja og ferilupplýsingar.

• Tilkynning um nýskráningu ökutækis.

• Tilkynning um skráningu ökutækis í og úr umferð (bæði innlögn merkja og með miða).

• Tilkynning um pöntun skráningarmerkja.

• Tilkynning um afhendingu skráningarmerkja (ný/önnur skráningarmerki sett á ökutæki).

• Tilkynning um opinbera skoðun ökutækis.

• Umsókn um forskráningu á grundvelli eCoC vottorðs.

• Tilkynning um ísetningu hraðatakmarkara og ökurita.

• Tilkynning um afskráningu ökutækis til úrvinnslu.

• Tilkynning um eigendaskipti að ökutæki og skráning umráðanda.

• Skráning á stöðu akstursmælis (km-staða).

Landskerfin

Þetta eru upplýsingar sem aðilar með samning um skráningarstarfsemi geta fengið úr ökutækjaskrá til að nýta í þeirri starfsemi sinni. Upplýsingarnar eru sóttar í aðrar opinberar skrár.

Frá tryggingafélögum

Ökutækjaskrá sækir upplýsingar um nafn tryggingafélags og stöðu tryggingar.

• Tryggingafélag (kóði)

• Staða tryggingar (Í lagi / Ótryggt)

Frá Skattinum (álestrarkerfinu):

Ökutækjaskrá sækir upplýsingar um álestra og stöðu ökumælis.

• Skattflokkur (kóði)

• Álestursdagur (dags)

• Álestursstaða ökumælis (km)

Frá Skattinum (tollakerfinu):

Ökutækjaskrá sækir upplýsingar um tollafgreiðslu.

• Tollafgreitt (Já/Nei)

• Tollafgreiðsludagur (dags)

Frá tekjubókhaldskerfi ríkisins

Ökutækjaskrá sækir upplýsingar um álögð opinber gjöld.

• Álagt bifreiðagjald (kr)

• Álagður þungaskattur (kr)

• Álagt vörugjald (kr)

Frá þinglýsingakerfi sýslumanna

Ökutækjaskrá sækir upplýsingar um það hvort veðbönd hvíla á ökutæki.

• Þinglýst veð (Já/Nei)

Úr slysaskrá Samgöngustofu

Ökutækjaskrá sækir upplýsingar um það hvort skráð hafa verið slys á ökutæki í slysaskrá.

• Upplýsingar um slys í ferli (færslur)